Policia njoftoi se nuk merr përsipër zhvillimin e protestës së opozitës që pritet të mbahet sot në orën 18:00 para Kryeministrisë, duke argumentuar vendimin me shqetësime për sigurinë.
Reagimi ka shkaktuar kundërshtim nga kreu i Sali Berisha, i cili e cilësoi qëndrimin si një “provokim të rëndë”.
Berisha deklaroi se protestat e opozitës kanë qenë paqësore dhe akuzoi autoritetet për tensionim të situatës. Ai bëri thirrje që SPAK të bllokojë pasaportat e zyrtarëve që, sipas tij, kanë dosje në hetim, ndërsa shtoi se opozita, e drejtuar nga Partia Demokratike, do të vazhdojë protestat pavarësisht vendimit të policisë.
Berisha: Narko policia të kryejë detyrat se zyrtarët po ia mbathin si minjtë. Ç’mendoni ju se është arratisur vetëm Agaçi? Janë arratisur dhjetëra të tjerë. Një komshi e Lubisë thotë ka tre ditë që nuk vjen në shtëpi.
Thirrje prokurorisë të bllokojë gjithë pasaportat e zyrtarëve që kanë dosjet në SPAK.
Ne bëjmë protesta paqësore jemi opozitë demokratike nuk kemi banditë si Proda dhe Bizhga. Ky është një akt provokacioni i rëndë. Ne do të vijojmë deri në fitore të plotë./Versus.al
