Policia ka dal në një njoftim zyrtat pas publikimit të lajmit se në shkollat në Tiranë, po qarkullon një lloj droge në formën e çamçakëzit që përgjum fëmijët.
Në njoftimin e saj policia shprehet se kanë marrë kontakte me drejtuesit dhe stafet pedakogjike të të gjitha shkollave në kryeqytet dhe po ushtrojnë kontrolle për verifikimin e rastit.
Gjithashtu u bën thirrje të gjithë qytetarëve të njoftojnë menjëherë në rast konstatitimi të këtyre substancave
Njoftimi i Policisë:
Në lidhje me një lajm të publikuar ditën e sotme, në disa media dhe portale, në të cilin thuhet se në një shkollë në Tiranë, është evidentuar rasti i përdorimit të një çamçakëzi që përgjum fëmijët, ju informojmë se:
Shërbimet e Policisë menjëherë pas publikimit kanë marrë kontakte me drejtuesit dhe stafet pedagogjike të të gjitha shkollave të Tiranës, dhe po ushtrojnë kontrolle për verifikimin e rastit në fjalë.
Drejtoria Vendore e Policisë Tiranë i bën thirrje të gjithë qytetarëve të njoftojnë menjëherë Policinë në rast konstatimi të këtyre substancave. Vijon puna për sqarimin e rrethanave të këtij rasti të publikuar./Versus.al
