
Durrës- Një aksident i rëndë ka ndodhur pasditen e sotme në Hamallaj, pranë Gjirit të Lalzit.
Dy makina janë përplasur me njëra-tjetrën dhe për pasojë, ka humbur jetën një 16 vjeçar i cili ishte pasagjer në njërën prej makinave. Ndërsa i plagosur ka mbetur 20 vjeçari E.K, drejtuesi i një prej automjeteve.
Dyshohet se shkak për aksidentin është bërë shpejtësia e lartë me të cilën udhëtonte një prej automjeteve.
Policia ndodhet në vendngjarje për hetimin e plotë të rrethanave të ngjarjes. Versus.al







