Shkodër- Në kryeqendrën e veriut, policia vijon aksionet për gjetjen dhe asgjësimin e parcelave të mbjella me kanabis. Këtë herë, në territorin e disa njësive administrative janë gjetur dhe asgjësuar në total 2936 bimë kanabis.
Policia nisi hetimet në gjendje të lirë për 4 persona, konkretisht:
-inxhinierin e pyjeve, shtetasin A. M., për shpërdorim detyre dhe për moskallëzim krimi;
-rojën e zonave të mbrojtura, shtetasin L. A., për shpërdorim detyre;
-kryeplakun e fshatit Lotaj, shtetasin L. M., për shpërdorim detyre;
-kryeplakun e fshatit Abat, shtetasin M. M., për shpërdorim detyre.
Jo më larg se tre ditë më parë, u gjetën dhe asgjësuan mbi 3 mijë bimë kanabis në Shkodër dhe policia ende nuk ka identifikuar se cilët kanë qenë kultivuesit. Edhe këtë herë, ende nuk dihet se kush kanë qenë personat që e kanë kultivuar bimën narkotike. Versus.al
