Një ngjarje e rëndë ka ndodhur në qytetin e Korçës ku një mësues i një shkolle 9 vjeçare është vënë në pranga pasi ka ngacmuar seksualisht dy të mitura me mesazhe.
14 vjeçaret merrnin mesazhe skandaloze në Whatsapp nga mësuesi Bledar Duro i cili dyshohet se i ka ngacmuar të miturat për më tepër se një muaj.
Rasti është denoncuar në Polici nga të miturat bashkë me prindërit e tyre, ku dhe kanë treguar mesazhet që ju dërgonte mësuesi.
Sipas të dhënave, mesazhet dërgoheshin kur nxënëset nuk ishin në shkollë, pra jashtë orarit mësimor, ndërsa ishin bërë shumë të shpeshta kohët e fundit, sa e vetmja mënyrë për të ndaluar mësuesin ishte ta denonconin në polici.
Bledar Duro u arrestua menjëherë nga policia, ndërsa është pezulluar dhe nga puna. Hetimet pritet të zbardhin më tepër detaje lidhur me rastin./Versus.al
