Prokuroria e Korçës ka ndryshuar masën e sigurisë për Voltan Shulkun, Arian Manellari dhe Leonidha Gucën nga detyrim paraqitje në arrest me burg.
Ka qenë seksioni për hetimin e krimeve ndaj personit ajo që ka ekzekutuar urdhrin e gjykatës së Korçës për arrestimin e të tre personave të implikuar në vrasjen e Egli Progës.
Kështu në pranga janë vënë, Voltan Shulku, Arian Manellari dhe Leonidha Guçe.
Por pse ka ndodhur ky ndryshim mase sigurie?
Burime nga hetimi kanë bërë të ditur se, me anë të metodave speciale është bërë kthimi i pamjeve të kamerave të sigurisë së lokalit ku ka ndodhur ngjarja dhe ka dyshime mjaft të forta se tre personat e riarrestuar sot dhe të tjerë, kanë ndërhyrë për të fshirë provat në filmime dhe në terren.
Njoftimi i Policisë së Korçës:
-Seksioni për Hetimin e Krimeve ndaj Personit ka bërë ekzekutimin e urdhrit të Prokurorisë për ndalimin e shtetasve: V. Sh., 40 vjeç, A. M., 55 vjeç, dhe L. G., 47 vjeç, banues në Pogradec.
Gjykata e Shkallës së Parë Korçë, ka ndryshuar masën e sigurisë nga "Detyrim paraqitje në Policinë Gjyqësore", në "Arrest në burg", për veprën penale "Veprime që pengojnë në zbulimin e së vërtetës", për ngjarjen e ndodhur në lagjen nr. 1 Pogradec, ku humbu jetën shtetasi E. P., 42 vjeç. Këta shtetas kanë qenë të pranishëm kur ka ndodhur ngjarja dhe nuk kanë kallëzuar krimin duke penguar zbardhjen e së vërtetës.
Më herët Prokuroria e Korçës ka bërë ndryshmin e akuzës që policia fillimisht bëri për të tre personat duke i kërkuar gjykatës së Korçës masën e sigurisë “detyrim paraqitjeje” ndërkohë që së fundmi sipas burimeve zyrtare duket se prokuroria e Korçës ka ndryshuar masën e sigurisë duke i çuar pas hekurave.
Pas reagimit të familjarëve për ndryshim të akuzës ndaj Denis Meçes, i cili akuzohet për vrasje nga pakujdesia, prokuroria e Korçës ka ndryshuar prokurorin e kësaj çështje duke ja hequr dosjen prokurues Vasjana Postol, duke ja kaluar dosjen titullares se prokurorisë së Korçës Dhorina Theodhori.
Fakti që ndryshon masa e sigurisë ndaj 3 personave të përfshirë në këtë ngjarje, nuk përjashtohet mundësia që Denis Meçes të hetohet për vrasje me dashje dhe jo vrasje nga pakujdesia.
