Isuf Hasa është vënë në pranga nga Policia e Tiranës pasi dyshohet se është autori i vrasjes së 81 vjeçarit në Zall Bastar.
Ai akuzohet për veprën penale ‘vrasje me dashje’. Xhelal Meta u gjet i pajetë në oborrin e shtëpisë së më 13 janar. Në fillim ngjarja u raportua si aksidentale por nga ekspertiza mjekoligjore rezultoi se i moshuari ishte goditur me sende të forta në kokë. Djali i 81 vjeçarit është shprehur për media se babai i tij nuk kishte konflikte, shkonte mirë me të gjithë banorët e zonës.
'Babai nuk kishte konflikte. Shkonte mirë me të gjithë banorët e zonës. Me vete ka pasur 2-3 milionë lekë të vjetra. Nuk di çfarë të them, në fshat jemi të gjithë të afërm' është shprehur djali i viktimës.
81 vjeçari jetonte i vetëm dhe prandaj nuk kishte dëshmitarë në momentin kur ka ndodhur ngjarja. /Versus.al
