Policia e Tiranës ka gjetur motomjetin që dyshohet se është përdorur nga autori i vrasjes së Bujar Nasufit.
Sipas njoftimit të policisë gjatë krehjes së zonës motomjeti i djegur u gjet në vendin e quajtur 'Kodra e Sharrës'.
Grupi hetimor po kryen veprime intensive për sekuestrimin e çdo prove që do ti shërbejë hetimit për zbardhjen dhe dokumentimin ligjor, identifikimin dhe kapjen e autorëve.
Njoftimi i Policisë:
Tiranë
Në lidhje më ngjarjen e ndodhur mbrëmjen e djeshme ku u vra me armë zjarri shtetasi B.N, ju informojmë se: Në vendin e quajtur “Kodrat e Sharrës” gjatë krehjes së zonës, shërbimet e Policisë kanë gjetur një motomjet të djegur, i cili dyshohet se i përket autorit.
Vijon puna nën drejtimin e Prokurorisë, për dokumentimin ligjor të ngjarjes, si dhe po kryhen të gjitha veprimet hetimore përkatëse me qëllim identifikimin dhe kapjen e autorit/ve.
Grupi hetimor po kryen veprime intensive për sekuestrimin e çdo prove që do ti shërbejë hetimit për zbardhjen dhe dokumentimin ligjor, identifikimin dhe kapjen e autorëve.
Bujar Nasufi, pronar i një dyqani mobiljesh, u ekzekutua mbrëmjen e kaluar teksa po hynte në shtëpinë e tij në zonën e Pallatit me Shigjeta. Aktualisht, hetuesit po shqyrtojnë një pistë që lidhet me konflikte familjare mbi çështje pronësie si një nga arsyet e mundshme që çuan në këtë vrasje./Versus.al
