Një natë e dhunshme ka tronditur zonën e Monrealin n Palermo, ku tre të rinj kanë humbur jetën dhe dy janë plagosur rëndë pas një shkëmbimi zjarri që ka ndodhur rreth orës 01:00 të natës. Ngjarja ka ndodhur në sheshin kryesor të qytetit, ku sipas informacioneve të para, konflikti ka shpërthyer nga një mosmarrëveshje e thjeshtë para një pizzerie.
Viktimat janë Massimo Pirozzo, 26 vjeç, dhe Salvatore Turdo, 23 vjeç, të cilët kanë vdekur në vend. Një i tretë, Andrea Miceli, gjithashtu 26 vjeç, ka ndërruar jetë pak pas transportimit në spital në gjendje kritike. Forcat e rendit, konkretisht karabinierët e Monrealit, po hetojnë ngjarjen dhe po shqyrtojnë pamjet e kamerave të sigurisë për të rindërtuar dinamikën e ngjarjes.
Pesë të rinj gjithsej kanë qenë të përfshirë në ngjarje: katër janë transportuar në spitalin Ingrassia dhe një në spitalin Civico. Pirozzo dhe Turdo kanë mbërritur në spitalin Ingrassia në gjendje të pafavorshme dhe kanë vdekur pak pas mbërritjes. Miceli ka ndërruar jetë pas disa orësh në spitalin Civico. Dy të tjerë janë plagosur dhe ndodhen në spitalin Ingrassia: një 33-vjeçar ka marrë një plagë në këmbë, ndërsa një 16-vjeçar është qëlluar nga një plumb në kokë. Ai është operuar me sukses për të larguar plumbin dhe tani është në terapinë intensive.
E gjithë komuniteti është i tronditur nga ngjarja, dhe autoritetet po përpiqen të bëjnë dritë mbi ngjarjen.
