Fier- Dy persona janë arrestuar nga policia nën akuzën e mashtrimit.
Në pranga kanë rënë Ardit Hoxha dhe Fatmir Sadiku të cilët mashtronin qytetarë duke u marrë kartat e Identitetit dhe më pas merrnin kredi në emrin e tyre.
Skema e përdorur nga mashtruesit
Hoxha dhe Sadiku ndalonin në rrugë qytetarët dhe u kërkonin ndihmë duke u thënë se u duheshin kartat e tyre të identitetit për të tërhequr para që ua dërgonin njerëz jashtë vendit. Me të marrë kartat e ID, mashtruesit i fotokopjonin dhe i përdornin më pas për të marrë kredi në emrin e tyre, ndërkohë që qytetarët nuk dinin asgjë.
Në cilësinë e provës materiale u sekuestruan 3 celularë, një shumë parash dhe disa fatura.
Vijon puna hetimore për të dokumentuar raste të tjera të mashtrimit që mund të kenë kryer dy të rinjtë e arrestuar. Versus.al
