Anija “Libra” është nisur nga brigjet e Lampedusës drejt Shqipërisë për të transportuar 8 emigrantë të cilët do të qëndrojnë në kampin e Gjadrit derisa t’u shqyrtohet kërkesa e tyre e bërë për të fituar azil në Itali.
Kjo është hera e dytë që kjo anije do të zbarkojë në Portin e Shëngjinit, ku herën e parë mbërritën 12 emigrantë, të cilët më pas u kthyen mbrapsht pas një vendimi të gjykatës italiane kundër dekretit të qeverisë Meloni lidhur me listën e vendeve të sigurta.
Çështja e emigrantëve është kthyer në një “mollë sherri” mes qeverisë dhe gjykatave italiane të cilat kanë rishikuar listën e vendeve të sigurta, duke hequr si vende Kamerunin, Kolumbinë dhe Nigerinë duke bërë kështu që emigrantë nga këto vende të mos transportohen për në Shqipëri edhe nëse kapen në brigjet e Lampedusës.
Në një intervistë për mediat italiane, kryeministri Edi Rama e cilësoi këtë si një çështje të Italisë duke theksuar se Shqipëria nuk ndërhynë mbi gjëra që janë nën juridiksionin italian. Versus.al
