AKTUALITET /

“Me Vis Martinajn u ndamë në paqe”, Leonard Duka flet për herë të parë në GJKKO: S’kam lidhje me vrasjen e Santiago Malkos

Duke iu përgjigjur pyetjeve të prokurorit të SPAK, Behar Dibra, Leonard Duka mohoi që të kishte gisht në vrasjen e ish-policit Santiago Malko i cili u ekzekutua me breshëri plumbash në 2019-ën.

Shkruar nga Versus
“Me Vis Martinajn u ndamë në paqe”, Leonard Duka flet
Santiago Malko, Ervis Martinaj (në mes), Leonard Duka (djathtas)

Leonard Duka, kreu i klanit “Duka” ka folur për herë të parë në Gjykatën e Posaçme lidhur me marrëdhënien e tij me ish-bossin e zhdukur të lojërave të fatit, Ervis Martinajn si dhe vrasjen e ‘ushtarit’ të tij, ish-policit Santiago Malko në 2019-ën.

Duke iu përgjigjur pyetjeve të prokurorit të SPAK, Behar Dibra, Duka tha se nuk kishte asnjë lidhje me ngjarjen ku u vra Santiago Malko dhe se ishte informuar për krimin vetëm pasi ishte shoqëruar në polici. Ai tha se me të ndjerin kishte shoqëri të përbashkët, ndërsa teksa foli për marrëdhënien që kishte me Ervis Martinajn, tha se me këtë të fundit kishte pasur marrëdhënie biznesi dhe shoqëri në njëfarë periudhe derisa kishin shkëputur marrëdhëniet në mënyrë paqësore.

Ai mohoi që të ketë pasur konflikt me Martinajn për shkak të biznesit të lojërave të fatit.

Pjesë nga pyetjet dhe përgjigjet në GJKKO:

Prokurori: Çfarë keni bërë në 27 gusht 2019?

Leonard Duka: Mesa mbaj mend ditën e ngjarjes jam shoqëruar nga policia, më kanë marr shenjat e gishtave, pastaj më lanë të lirë. Aty kam mësuar për ngjarjen.

Kam qenë në lokalin tim deri në orën 10, pasi mbylla lokalin, po ikja për në shtëpi më ndaloi policia.

Si cdo ditë me punët, kemi ngrënë një drekë me stafin dhe pastaj kam vazhduar rrjedhën.

Kam qenë me vëllain tim, Erlis Duka, më ka bërë shenjë policia dhe shkuam në polici. Policia bëri punën e vetë në mënyrën më njerëzore, asnjë kundërshtim me mënyrën si më shoqëruan, më kanë nxjerr ditën tjetër. Unë se dija kush kishte vdekur, aty e mora. vesh. Më pyetën, u thashë që nuk kam lidhje me ngjarjen, kam treguar për njohjen e vjetër miqësinë me të ndjerin. Pasi rregulluan letrat në mënyrë korruptive, më shpallën në kërkim. Mund tmë thoni ju prokuror pse jam këtu, se unë nuk e di.

Prokurori: Në çfarë rrethanash jeni njohur?

Leonard Duka: Nga shoqëria e përbashkët që kemi pas na ka ra me u njoh se Shqipëria e vogël është. Nuk kam pasur shoqëri të afërt me të. Jemi nga një zonë këtu në Tiranë.

Unë jam marrë me lloto, kisha “Max Lloto” në pronësi. E kam pas të shtrirë në të gjithë Shqipërinë. Administratorët e pikave që kisha nëpër Shqipëri ishim për darkë. Kur u ngritëm ikëm të gjitjë në të njëjtën kohë dhe nuk e di me cfare kanë ardhur ata aty. Unë kam qenë me audin. Nuk mbaj mend makina e tjera.

Prokurori: Një volswagen golf 5 a e mban mend?

Leonard Duka: Unë nuk e mbaj mend, di të flas për makinat e mia, nuk e di cfarë përdorte stafi.

Prokurori: Skoda roster ku e mbanit?

Leonard Duka: Atë e merrte secili nga punonjësit që e gjente. Ka qenë një nga disa makinat që kishim për punëtorët. Atë makinën e merrte nga i pari te i fundit po të them, kush e gjente. .... Po të jap përgjigje për respekt të gjykatës, se ti nuk e meriton.

Nuk e di me çfarë është marr viktima. Kisha shumë vite, të paktën 3 pa e parë fare. Shoku i përbashkët që na ka ul është Ervis Martinajn. Ketë të fundit e kam pas shok prej 15 vitesh. Më pas jemi ndarë dhe kam gëzuar respekt për të, secili mori drejtimin e vetë.

Me baste jemi marr ne, ai ka pasur shumë biznese, po ajo që kemi bërë bashkë ëshyë se jemi marr me bastet. I kemi pas të përbashkëta, pastaj u ndamë. Kemi nis që në 2006. Nuk kemi pasur asnjë marrëdhënie borxhi mes meje dhe Ervis Martinajt pasi jemi ndarë. Edhe pasi ndamë bizneset, kemi qendruar ndonjëherë në shoqëri të përbashkëta, jemi rastit nëpër klube. Kemi fol ndonjëherë në telefon.

Nuk kemi pasur asnjë konflikt as unë as familja ime. Çuna të rinjë jemi, jemi zon gjithë jetën jemi gri, pse ty stë ka rënë të zihesh ndonjëherë, kjo punë ska lidhje me ngjarjen. Nuk e di sa herë është zënë vëllai im rrugëve.

E kam marr vesh nëpërmjet robve të mi se vetë kam qenë në Gjermani, qe vëllai im është zënë për shkaqe pse më shef.

Në dijeni për ngjarjen më ka vënë babi. Me vëllain nuk komunikova, sepse ai u fut në burg, doli më pas në gjyq.

Rivelino Mumajesin e njoh, kur është plagosur kam qenë në Greqi. Me të njiheshim që në klasën e parë. Aty i ke autoritetet dhe zbuloje cfarë ka ndodhur me atë ngjarje. Edhe Rivelino është marr me baste, e kam ndihmuar të hap një pikë.

... nuk di ku ta gjej qetësinë me këtë njeri që na ka shpallur në kërkim gjithë fisin, vetëm gjyshen që kam në vorr nuk ka shpallë në kërkim, sepse është i paaftë.

Nuk e njoh Daut Elmazin

As Nensi Shaqirin, nuk e di fare kush është.

Prokurori: Babait tuaj i ka ndodhur dicka?

Leonard Duka: Nuk ka godit kush babën tim. Ska pas baba as fyrje as goditje nga askush.

Prokurori: Me Ervis Martinajn ke pas konflikt?

Leonard Duka: Jo nuk kam pas konflikt.

Kjo dëshmi e dhënë për herë të parë nga Leonard Duka që prej se u ekstradua nga Belgjika, bie në kundërshtim me përgjimet e zbardhura në aplikacionin “Sky Ecc” ku vetë Duka lë të kuptohet se ishte ai që e kishte eleminuar Malkon për shkak të sjelljeve ndaj babait të tij. Një gjë të tillë e përmend edhe vetë Martinaj i cili i shkruante se vetë ai e kishte kritikuar Malkon për goditjen e babait të Leonard Dukës. Ky i fundit në bisedën e bërë me Martinajn përpiqej ta mbante më shumë bisedën tek pjesa e borxheve që sipas tij i kishte ish-bossi i lojërave të fatit.

Në seancën e zhvilluar më parë në GJKKO, u shfaq edhe e ëma e Santiago Malkos e cila shpërtheu ndaj Leonard Dukës duke e akuzuar këtë të fundit për vrasjen e djalit të saj në lule të rinisë. Santiago Malko u vra më 27 gusht të vitit 2019 me 4 plumba pranë banesës së tij në Tiranë. Për ngjarjen u shoqërua në polici asokohe edhe Leonard Duka dhe vëllai i tij të cilët u lanë të lirë më pas. Malko njihej edhe si një prej njerëzve më të afërt të Ervis Martinajt. Ky i fundit rezulton i zhdukur që prej gushtit të viti 2022 dhe nuk ka asnjë gjurmë mbi fatin e tij. Versus.al

Poll
Më poshtë do të gjeni dhe kandidatët e Partisë Socialiste dhe Partisë Demokratike për të gjitha qarqet: