Gazetari dhe publicisti i njohur, Namir Lapardhaja, ndërroi jetë në moshën 40-vjeçare në Gjermani,në orët e para të mëngjesit, më 19 mars.
Shkaku i vdekjes dyshohet të ketë qenë një trombozë në sistemin e qarkullimit të gjakut.
Homazhet në nderim të tij do të mbahen më 25 mars në Pallatin e Kulturës në Berat, nga ora 11:00 deri në 13:00, ku familjarë, miq dhe kolegë do t’i japin lamtumirën e fundit.
Ceremonia e varrimit do të zhvillohet në orën 13:00, në varrezat e Burdulliasit, ndërsa namazi i xhenazes do të falet në Xhaminë Mbret.
Lapardhaja ishte një qytetar i angazhuar, publicist dhe kritik letrar, i njohur për analizat dhe opinionet e tij në media.
Ai ishte autor i librave, eseve dhe një numri të madh artikujsh, të cilat do të mbeten trashëgimia e tij kulturore.
Figura të njohura të medias dhe politikës shprehën ngushëllimet e tyre dhe vlerësuan kontributin e tij në zhvillimet politike dhe shoqërore në vend./Versus.al
