Shkodër- Është arrestuar ditën e sotme, Stilvjano Ndou, personi që akuzohet si organizator i transportimit të 7 emigrantëve të paligjshëm që vdiqën në një aksident në Këlcyrë në 2 prill të këtij viti.
Ndou tentoi të largohej me motor nga policia, por u kap pas një ndjekje të shkurtër.
Më herët janë arrestuar dy bashkëpunëtorët e të riut, konkretisht A.Gj dhe R.D të cilët merreshin gjithashtu me transportin e emigrantëve të paligjshëm që vinin nga vendet e treta.
Në aksidentin e ndodhur më 2 prill, emigrantë nga Lindja e Mesme dhe Afrika ndërruan jetë pasi makina me të cilën po transportoheshin, doli nga rruga Përmet-Këlcyrë dhe përfundoi në brigjet e lumit Vjosa. Si pasojë e aksidentit, vdiq edhe i transportuesi shqiptar E.B, nga Shkodra. Versus.al
