Një aksident i shumëfishtë ka ndodhur pasditen e sotme në aksin Elbasan–Tuneli i Krrabës, duke bllokuar qarkullimin e mjeteve.
Dyshohet se të paktën dhjetë automjete janë përplasur, ndërsa tre prej tyre përfunduan mbi njëra-tjetrën për shkak të shpejtësisë.
Fatmirësisht, deri më tani nuk raportohet për persona të dëmtuar, por vetëm dëme të shumta materiale.
Policia Rrugore dhe shërbimet e emergjencës ndodhen në vendngjarje, ndërsa po punojnë për normalizimin e situatës dhe zbardhjen e shkaqeve të aksidentit.
Radha e makinave është bërë kilometrike, pasi fluksi i mjeteve nga Tirana drejt Elbasanit është shumë i lartë.
Policia ka kërkuar nga drejtuesit e mjeteve të tregojnë kujdes të shtuar dhe të respektojnë sinjalizimet e përkohshme në zonë derisa qarkullimi të normalizohet.
