Një ngjarje e rëndë ka ndodhur pasditen e sotme në aksin rrugor Muriqan–Shkodër, ku një grua rreth 30 vjeçe, e identifikuar si Erisa Isufi, ka mbetur e plagosur nga arma e zjarrit. Sipas të dhënave paraprake, autor i dyshuar është 34-vjeçari Edison Probatistaj, i cili dyshohet se ka qëlluar për motive të dobëta.
Menjëherë pas të shtënave, Probatistaj është larguar nga vendngjarja dhe aktualisht është shpallur në kërkim nga policia. Ndërkohë, e plagosura është dërguar në spital dhe ndodhet nën kujdesin e mjekëve, fatmirësisht jashtë rrezikut për jetën.
Shërbimet e policisë kanë nisur një operacion për kapjen e autorit, ndërsa grupi hetimor, në bashkëpunim me Prokurorinë, po punon për të zbardhur plotësisht shkaqet dhe rrethanat e kësaj ngjarjeje./Versus.al
