VLORË – Një ngjarje e rëndë është regjistruar në fshatin Picar, ku një konflikt i çastit ka përfunduar në plagosje me mjet prerës.
Policia e Vlorës ka vënë në pranga një 42-vjeçar, i dyshuar si autor i plagosjes së një 23-vjeçari. Sipas hetimeve paraprake, ngjarja ka ndodhur më 2 maj 2026, ku gjatë një përplasjeje për motive të dobëta, 42-vjeçari ka goditur të riun me thikë.
I dëmtuari është transportuar menjëherë në spital dhe ndodhet nën kujdesin e mjekëve, ndërsa gjendja e tij shëndetësore po monitorohet.
Gjatë veprimeve hetimore, në cilësinë e provës materiale është sekuestruar edhe mjeti prerës i dyshuar i përdorur në ngjarje.
Materialet procedurale i janë referuar Prokurorisë së Vlorës për vijimin e hetimeve, për veprën penale “Plagosja e rëndë me dashje”.
