Një pjesë e lëndës narkotike të asgjësuar
Shkodër- Policia ka zhvilluar një operacion antikanabis në Vaun e Dejës ku gjatë kontrolleve në njësitë administrative Shllak dhe Pult u gjetën dhe asgjësuan 1288 fidanë dhe 479 bimë kanabis të kultivuara.
“Shërbimet e Komisariatit të Policisë Vau i Dejës gjetën në territorin e njësisë administrative Shllak dhe asgjësuan 1011 fidanë dhe 479 bimë cannabisi.
Shërbimet e Komisariatit të Policisë Shkodër gjetën në territorin e njësisë administrative Pult dhe asgjësuan 277 fidanë narkotikë cannabis sativa”- njofton policia.
Ndërsa grupi hetimor po vijon punën për identifikimin dhe kapjen e autorëve përgjegjës për kultivimin e lëndës narkotike. Ndërsa operacioni është ende në vazhdim. Versus.al
Poll
