Tiranë- Një shpërthim i fortë ka tronditur mbrëmë zonën e “Myslym Shyrit” dhe ish-ekspozitës, ngjitur me fushat e tenisit në kryeqytet.
Policia bën me dije se ka pasur një telefonatë për një shpërthim të dëgjuar dhe pas verifikimeve të policisë, raportohet se shpërthimi i ngjashëm me lëndët piroteknike ka ndodhur në një gropë pallati në ndërtim.
“Më datë 10.06.2024, rreth orës 22:10, në rrugën "Myslym Shyri", ngjitur me fushat e tenisit, në një kantier në ndërtim, është dëgjuar një shpërthim, i ngjashëm me lëndët plasëse ose lëndët piroteknike. Si pasojë nuk ka dëme materiale dhe as të lënduar.
Grupi hetimor ndodhet në vendngjarje dhe po vazhdon punën për sqarimin e mëtejshëm të rrethanave të ngjarjes.”- thuhet në njoftimin e policisë. Versus.al
