Shkodër- Një elektriçist i OSHEE është arrestuar dhe dy të tjerë janë proceduar në gjendje të lirë nën akuzën e vjedhjes së energjisë elektrike dhe kultivimit të kanabisit pas zbulimit të një ‘shtëpie bari’ në Vaun e Dejës.
Në pranga ka rënë 62 vjeçari F.M i cili u kap në flagrancë brenda banesës së braktisur në fshatin Dush ku ishte përshtatur ambienti për kultivimin e kanabisit. Po ashtu janë proceduar në gjendje të lirë J.D 41 vjeç dhe I.M 32 vjeç.
Gjatë kontrolleve në banesën e braktisur janë gjetur 578 fidanë kanabis në kubikë në vazo si dhe 103 llamba elektrike dhe pajisje të tjera që shërbenin për kultivimin e drogës.
Policia vijon hetimet për të zbardhur emrat e personave të tjerë që dyshohet të jenë të përfshirë në veprimtarinë kriminale. Versus.al
