Tetë emigrantë të paligjshëm nga Bangladeshi dhe Egjipti të cilët u kapën në ujërat territoriale të Italisë, kanë mbërritur sot në portin e Shëngjinit ku janë shoqëruar nën masa të rrepta sigurie. Pasi të kryejnë kontrollet dhe procedurat e nevojshme, ata do të dërgohen në kampin e Shëngjinit ku do të jenë nën juridiksionin italian dhe do të trajtohen sipas ligjeve italiane.
Anija “Libra” u nis 2 ditë më parë nga Lampedusa e Italisë me emigrantët e kapur së fundmi. Sipas marrëveshjes, të gjithë emigrantët e paligjshëm që kapen në ujërat territoriale italiane dhe që janë në moshë madhore dhe vijnë nga vende që cilësohen “të sigurta”, do të dërgohen në kampet e ngritura në Gjadër dhe Shëngjin në zbatim të marrëveshjes 5 vjeçare të firmosur mes qeverisë shqiptare dhe asaj italiane. Versus.al
