Britani e Madhe- Një prej pesë personave që hynë për të grabitur sasinë e kanabisit brenda një “shtëpie bari” ku qëndronte 25 vjeçari Olsi Kuka, është dënuar me burg të përjetshëm.
Gjykata dënoi 19 vjeçarin Reuben Bernard i cili asokohe ishte 17 vjeç. Ndaj tij u renditën veprat penale të grabitjes, torturës dhe vrasjes.
I riu shqiptar po flinte gjumë në momentin kur grabitësit hynë në banesën e tij për të vjedhur sasinë e kanabisit të kultivuar që kapte vlerën e 30 mijë paundëve. 25 vjeçari u qëllua 4 herë në kokë me pistoletë për ta detyruar që të tregonte vendndodhjen e drogës dhe më pas u godit 2 herë me thikë duke i shkaktuar vdekjen.
Dëshmitar i ngjarjes ishte edhe kushëriri i tij Alush Kuka i cili po ashtu u godit me grushte nga ana e grabitësve por arriti të mbijetonte dhe të bënte denoncimin në polici për ngjarjen.
Ngjarja e ndodhur në 11 maj të vitit 2022 tronditi familjen e të riut shqiptar për brutalitetin që grabitësit kishin treguar në vrasjen e tij.
Dënimet e anëtarëve të tjerë të grupit:
“Organizatori” i sulmit, Orzan Seran, 29 vjeç, u dënua me 11 vjet e pesë muaj pasi u deklarua fajtor për vrasjen e z. Kuka dhe plagosjen e Alush Kukës dhe u dënua për organizimin e grabitjes.
Daige Ramsey, 25 vjeç, nga Ëaltham Forest, i cili u shpall fajtor për vrasje, plagosje dhe plan për grabitje, u burgos për 11 vjet.
Santana Thompson, 21 vjeç, nga Ëaltham Forest, u dënua me 10 vjet për vrasje, plagosje dhe grabitje.
Bulent Bakir, 27 vjeç, nga Enfield, u burgos për gjashtë vjet për grabitje. Versus.al
