Dosja në ngarkim të dy trafikantëve të klandestinëve nga Palestina, ku humbën jetën 7 prej tyre dhe shoferi shqiptar Edison Begaj, ka kaluar në strukturën e posaçme pasi Gjykata e Vlorës shpalli moskompetencën.
GJKKO rrëzoi kërkesën e Steviljano Ndout për lirimin e tij nga qelia, teksa dyshohet se organizoi trafikimin e shtatë shtetasve nga Pakistani të cilët humbën jetën në një aksident automobilistik duke i ikur polici.
Ndaj tij Gjykata e Vlorës kishte caktuar arrest në burg, teksa më pas konstatoi moskompetencën dhe çështja i kaloi GJKKO-së.
Gjyqtari Erion Bani konstatoi se kërkesa për lirimin e menjëherëshëm të të pandehurit është e pabazuar.
Steviljano Ndou së bashku me shoferin Edison Begaj ka dyshime se organizuan dhe morën pjesë në aktivitetin e paligjshëm, me pasoja fatale, teksa aksidenti ndodji nëfshatin Kuqar pranë Këlcyrës
Mjeti që transportonte klandestinët drejtohek nga Begaj, ndërsa Ndou dyshohet si organizator.
Klandestinët kishin hyrë në Shqipëri përmes kufirit të gjelbër dhe pas ndjekjes nga policia u konstatua se makina në largim e sipër kishte përfunduar ne lumin Vjosë ku humbën jetën edhe palestinezët. Për ngjarjen u prangosën Agustin Gjeta dhe Steviljano Ndou ndërsa vetëm ky i fundit kishte bërë ankesë për masën. Pritet që javën e ardhshme GJKKO të marrë vendim nëse do jetë SPAK që do e hetojë këtë rast apo do e rikthejë sërish në Vlorë. /Versus.al
