Mediat në Kosovë kanë arritur të konfirmojnë se viktima, Alban Tolaj, 47-vjeçari që u gjet i vdekur në banesë, është babai i prezantueses dhe këngëtares së njohur Elsa Tolaj.
Mediat raportuan se Tolaj ka kryer vetëvrasje, ndërsa sipas miqve të tij, vdekja ishte aksidentale.
“Rreth orës 14:45, kemi pranuar informatën për një trup të pa jetë, në rrugën ‘Ahmet Korenica’ në Prishtinë.
Policia menjëherë ka dalë në vendin e ngjarjes si dhe mjekët emergjent të cilët kanë konstatuar vdekjen e viktimës, mashkull, 47 vjeç, zyrtar policor.
Mbështetur në informacionet e para nga vendi i ngjarje, përkundër që ka elemente që sugjerojnë për vetëvrasje, policia në koordinim me prokurorin e shtetit ka nisur një hetim mbi vdekjen dhe me kujdes të shtuar po shqyrton të gjitha aspektet e rastit për ndriçimin e plotë të rrethanave të kësaj ngjarje tragjike”, është shprehur Agron Borovci.
