Një pallat në zonën e Astirit në kryeqytet është përfshirë nga flakët. Ngjarja ka ndodhur rreth orës 14:10 në rrugën “Foto Xhavella”.
Për shkak të tymit që është përhapur në të gjithë ndërtesën, shumë banorë nuk kanë mundur të dalin nga apartamentet e tyre, duke u detyruar të presin ndihmën e shërbimeve emergjente.
Shërbimet e Policisë ndodhen në vendngjarje dhe po bëjnë evakuimin e banorëve. Ndërkaq nga shërbimet zjarrfikëse është bërë e mundur fikja e zjarrit.
Njoftimi i policisë:
Më datë 04.04.2025, rreth orës 14:10, në rrugën “Foto Xhavella”, në katin e parë të një pallati ka marrë flakë gabina e transformatorit.
Shërbimet e Policisë ndodhen në vendngjarje dhe po bëjnë evakuimin e banorëve. Ndërkaq nga shërbimet zjarrëfikëset është bërë e mundur fikja e zjarrit. Nuk ka persona të lënduar.
Grupi hetimor punon për përcaktimin e shkakut të zjarrit/Versus.al
