Detaje të reja janë zbardhur nga masakra me tre të vrarë dy ditë më parë në Memaliaj ku viktimë mbetën Shyqyri Kalemi (babai i Andra Kalemit, person më të shkuar kriminale), kamarieri i lokalit Gledio Muka dhe klienti i rastësishëm Marsel Çela.
Mësohet se autori i cili ka qëlluar në breshëri para lokalit ku ndodheshin viktimat, ka qenë rreth 40 vjeç dhe rreth 1.80 centimetra i gjatë. I veshur me pantollona dhe bluzë të zezë, autori mësohet se është ndalur për pak sekonda përballë viktimave dhe dyshohet se u ka thënë diçka para se të hapte zjarr me breshëri ndaj tyre duke i lënë të vdekur në vend.
Ndërsa personi tjetër që ngiste makinën për realizimin e atentatit, nuk është identifikuar dot. Si pasojë e të shtënave, mbeti i plagosur edhe Artur Kalemi, vëllai i Shyqyri Kalemit, i cili ndodhej gjithashtu në lokal në momentin e atentatit. Më herët u bë me dije se po bëhen kontrolle në disa qytete të vendit, ndërsa për ngjarjen janë shoqëruar për t’u marrë në pyetje 27 persona. Versus.al
