AKTUALITET /

VIDEO/ Hetimet për 21 Janarin, ish-komandanti i Gardës Ndrea Prendi dëshmon për 3 orë në SPAK

Duket se Prendi është thirrur në SPAK për të dhënë deklarimet e tij, pas rihapjes së çështjes me vendim të Gjykatës së Strasburgut dhe më pas vendimit të Gjykatës së Lartë në Tiranë.

Shkruar nga Versus
VIDEO/ Hetimet për 21 Janarin, ish-komandanti i Gardës Ndrea Prendi
Video e fotot nga LSA

Ish-komandanti i Gardës së Republikës gjatë protestës së 21 Janarit ku u vranë 4 protestues, Ndrea Prendi është paraqitur sot në SPAK.

Siç edhe duket në video, Prendi është paraqitur pasditen e sotme në SPAK pak para mbylljes së orarit zyrtar.

Duket se Prendi është thirrur në SPAK për të dhënë deklarimet e tij, pas rihapjes së çështjes me vendim të Gjykatës së Strasburgut dhe më pas vendimit të Gjykatës së Lartë në Tiranë.

Gjatë ditës së djeshme në SPAK janë paraqitur edhe bashkëshortja e të ndjerit, Aleks Nika, Rajmonda Nika dhe xhaxhai i tij, Mark Nika.

Ata u thirrën për të dëshmuar disa ditë më parë. Bashkëshortja tha se ka dorëzuar prova e fakte të reja, ndërsa xhaxhai u shpreh se ky është krim shtetëror.

Më herët, ata i kishin kërkuar Gjykatës së Lartë që hetimet për vrasjen e të afërmit të tyre të kryen nga Prokuroria e Posaçme ndërsa kallëzuan zyrtarë të lartë shtetërore mes të cilëve ish-kryeministrin Sali Berisha, ish-ministrin e Brendshëm Lulzim Basha dhe drejtues të lartë të Gardës.

Pas zbardhjes së vendimit të gjykatës së Lartë që urdhëroi SPAK të vijojë hetimet për 21 janarin, të prokuroria regjistroi hetimet për 3 vepra penale nga vrasja në rrethana cilësuese, shpërdorim detyre dhe veprime që pengojnë zbulimin e së vërtetës.

Procedimi penal është regjistruar për vrasjen e Aleks Nikës dhe plagosjen e tre protestuesve të tjerë, Artes Dybeli, Ilia Qesko dhe Ilia Papa.

SPAK regjistroi hetimet pas zbardhjes së vendimit të gjykatës së lartë dhe asaj të të drejtave të njeriut me seli në Strasburg.

Sipas kësaj të fundit për vrasjet e 21 janarit nuk është zbardhur roli i zinxhirit komandues të gardës dhe vrasjet janë konsideruar krim shtetëror. Po kështu në vendim thuhet se prokuroria në atë kohë është penguar për të zbardhur ngjarjen.

 



Poll
Më poshtë do të gjeni dhe kandidatët e Partisë Socialiste dhe Partisë Demokratike për të gjitha qarqet: