Përplasjet në rrjetin social TikTok vijojnë të marrin përmasa të mëdha në jetën e përditshme. Së fundmi pamje shqetësuese janë shpërndarë nëpër rrjete sociale të momentit kur dhunrohet Suada Muça, një tiktokere e njohur në këtë rrjet social.
Një grup femrash shihen teksa e dhunojnë në mes të rrugës, ndërsa njëra prej tyre filmon gjithë ngjarjen, mesa duket për llogari të një personi tjetër të cilin dyshohet se e dhunuara e kishte ofenduar në rrjetin social “TikTok”.
Teksa e dhunojnë dhe i kërkojnë llogari për ofendimet, tiktok-erja vendos të kërkojë falje ndaj personit të cilin e quan Xhemal.
Një ngjarje e tillë ngre shqetësimin për edukatën e mbrapshtë që po i jepet brezit të ri duke parë edhe ngjarjet e kriminale të ndodhura si pasojë e fyerjeve mes të miturve nëpër rrjete sociale. Ende më shqetësues është fakti se policia dhe shteti duken inekzistentë në raste të tilla kur dhuna ndodh në mes të rrugës. Versus.al
