Një incident i papranueshëm u regjistrua dje në Tiranë me tifozët polakë të ekipit Jagiellonia, të cilët u kapën duke vjedhur një kioskë në qendër të kryeqytetit, para syve të qytetarëve.
Në një video të mbërritur në redaksinë e JOQ tregon tifozët duke marrë pije nga frigoriferi i kioskës dhe duke u larguar pa paguar.
View this post on Instagram
Ky incident i shtohet një sërë provokimesh dhe sjelljesh fyese të së njëjtës tifozeri, të cilat kanë nisur që dje në qendër të Tiranës. Fillimisht, disa prej tyre u filmuan duke kryer veprime të papërshtatshme mbi bustin e Heroit tonë Kombëtar, Gjergj Kastrioti Skënderbeu, duke u ngjitur mbi monument dhe duke shfaqur sjellje fyese para syve të qytetarëve.
Pak më pas, të njëjtit huliganë polakë u panë të valëvitnin në shesh flamurin provokues me mbishkrimin “Kosova është Serbi”, ndërkohë që qytetarë të shumtë raportuan se ata këndonin edhe kore të tipit “Vritini Shqiptarët”. Ky akt i rëndë u përshkrua si provokim i hapur, i motivuar nga ideologjia e tyre e njohur pro-serbe dhe anti-shqiptare.
Pas përfundimit të ndeshjes mes Dinamo City dhe Jagiellonias në “Air Albania”, situata degjeneroi edhe më shumë. Një prej tifozëve polakë, i identifikuar si një nga personat që përdhosi bustin e Skënderbeut, u dhunua nga disa tifozë shqiptarë në afërsi të stadiumit. Më vonë, autobusi me tifozët polakë u sulmua nga një grup tjetër pranë Rinasit, duke sjellë tensione të shumta dhe praninë e forcave të rend.
