46 vjeçari Dorian Beu i cili u arrestuar ditë më parë si pjesë e grupit kriminal italo-shqiptar që trafikonte drogë është djali i Qemal Beut, kryetar i Organizatës së menaxhimit te peshkimit në Durrës.
Organizata koordinon dhe menaxhon aktivitetet e peshkimit në zonën e Durrësit dhe përreth tij.
Gjithashtu vetë Dorian Beu figuron si aksioner me 10% në këtë organizatë e e regjistruar në QKR në qershor 2020.
Beu u kap pas shumë muajsh në arrati, ndërkohë që mbi të rëndonte masa e sigurisë “arrest në burg” e dhënë nga Gjykata e Posaçme.
Grupi ku Beu bënte pjesë drejtohej nga 3 shqiptarë nga Durrësi, Braniol Liço alias Branjol Liço alias Braniol Aga, Gernard Beu alias Gernard Liço alias Gernard Ago dhe Emirjan Beu.
Ata drejtonin dhe organizonin trafikun ndërkombëtar të drogës. Nga hetimi i nisur që në vitin 2017 mes autoriteteve italiane dhe shqiptare për çmontimin e bandës italo-shqiptare, u sekuestruan 5 milionë euro dhe sasi të mëdha droge, megaoperacioni i zhvilluar në koordinim me EUROJUST solli 43 urdhër-arreste në të dyja vendet.
Ndërkohë 3 trafikantëve, anëtarë të grupit kriminal, Emirjan Beut, Syrjan Tolës dhe Dorian Beut u janë sekuestruar 1 mln euro pasuri në Durrës, të përfituara nga paratë e ardhura nga krimi.
Beu ka pretenduar se është duke u hetuar në Itali për të njëjtën çështje dhe ka kërkuar një dënim më të butë, por kërkesa e tij është refuzuar. Hetimet vazhdojnë për të zbardhur të gjitha lidhjet dhe aktivitetet e tij kriminale, si dhe për të identifikuar dhe ndëshkuar të gjithë personat e përfshirë në këtë rrjet të trafikut të drogës./Versus.al
