Ambasadori i Francës në Kosovë, Olivier Guerot, ka thënë se Kosova mund të vetëizolohet po që se i injoron miqtë ndërkombëtar dhe nuk i respekton zotimet që i ka marrë përsipër.
Fjalën e mbajti në një konferencë në kuadër të rrugëtimit të Kosovës drejt BE-së.
“Mesazhi i parë është: Kosova nuk është e izoluar, përveç nëse izolohet vetë. Ju nuk jeni të izoluar. Ne, pesëshja (QUINT), vendet e tjera të BE-së kemi qenë duke e mbështetur Kosovën për vite me radhë. Së fundmi, e rilexova sërish këshillën tonë juridike për Gjykatën Ndërkombëtare të Drejtësisë në vitin 2009, ku shpjegohej pse Franca e mbështeti Kosovën në vitin 1999, në vitin 2008. Dhe mbështetja jonë është ende këtu.
-
Ngërçi politik në Kosovë, BE e prerë: Formoni qeverinë
28 Maj, 11:04
Mbështetja gjermane është ende këtu. Ju nuk jeni të izoluar. Dhe Kosova nuk është një ishull. Ajo ndodhet në mes të një rajoni që vetë është pjesë e kontinentit. Pra, ju nuk jeni të izoluar, përveç nëse izoloheni vetë. Si izoloheni vetë? Duke mos i dëgjuar miqtë, duke kultivuar vetëmjaftueshmëri morale, duke gjetur të gjitha arsyet e mundshme për të mos respektuar angazhimet e mëparshme. Prandaj, lutja, ashtu dëgjoni miqtë tuaj”, ka thënë ai.
Kujtojmë se më herët ambasadori i BE-së në Kosovë është shprehur se Kosova duhet të formojë qeverinë dhe të konstituojë kuvendin.
