Një organzatë kriminale që vepronte në burgjet e Janinës ku kreu i saj ishte një shqiptar i burgosur i quajtur Modi i cili kishte bashkëpunëtor nëndrejtorin e IEVP-së, llogaritarin e burgut, administratorin, një gardian, një të burgosur është shpërbërë.
Numërimi mbrapsht për shpërbërjen e grupit filloi në mesin e janarit të kaluar, kur Policia mori informacione për një të burgosur, i cili me ndihmën e punonjësve të policisë dhe punonjësve të burgut fuste drogë, celularë dhe para nga kriminelët në burg dhe kryesisht nga shitja e drogës.
Nga një hetim i plotë doli se organizata kishte funksionuar të paktën që nga prilli 2023 dhe ishte “specializuar” në trafikun e drogës dhe më pas pastrimin e të ardhurave nga shitja e tyre.
Në të njëjtën kohë, u konstatua se për mbrojtjen e tyre, anëtarët e organizatës zbatonin masa kundër vëzhgimit dhe përdorninfraza dhe fjalë të koduara.
Në veçanti, ata komunikonin me "telefonat fantazmë" të të huajve dhe gjatë bisedave të tyre përdorën fjalët kyçe.
Selia e organizatës kriminale ishte burgjet e Janinës dhe “mashtrimi” kryhej:
Bashkëpunëtorët e shqiptarit të burgosur " Modi " shisnin drogë, merrnin paratë dhe më pas ia dorëzonin nëpërmjet një bashkëpunëtori të tij ose partneres. Më konkretisht, ose i kanë dorëzuar direkt drejtuesit të organizatës, ose ia kanë dorëzuar zyrës së kontabilitetit të burgut për t'i depozituar në llogarinë e tij individuale, shrkuan media greke Prothema.
Kur i fusnin paratë në burgje, nëndrejtori dhe kontabilisti dyshohet se kanë marrë përsipër t'i pasqyronin paratë në pasqyrat kontabël në kundërshtim me detyrën pasi e dinin se ishin para nga shitja e drogës.
Kështu, pasi paratë transferoheshin në llogarinë individuale të të burgosurit, me ndihmën e menaxherit të zyrës drejtuesi i grupit i merrte cash dhe të “pastra” dhe vazhdonte të konsumonte produkte duke shijuar një jetë luksoze brenda burgjet.
Nga data 20 prill 2023 deri më 3 qershor 2024, u konstatua se depozitat e regjistruara në emër të “ Modi ” kapnin vlerën e afërsisht 50,000 euro. Paratë legalizoheshin nëpërmjet konsumit të produkteve brenda burgut (dhe më gjerë) dhe kreditimit të palëve të treta.
Më në fund, nga hetimi u zbulua se zëvendësdrejtori kishte një rol katalizator për veprimin e organizatës, pasi lejoi përdorimin e celularëve dhe njoftoi të burgosurin shqiptar për kontrollet e pashmangshme në qeli.
Objektet e gjetuara në qelitë e të burgosurve
