Dy anije me flamur indian që transportonin naftë të papërpunuar janë sulmuar sot ndërsa po kalonin tranzitin në Ngushticën e Hormuzit, ka konfirmuar Ministria e Jashtme e Indisë në një deklaratë zyrtare.
Pas incidentit, ambasadori iranian në Nju Delhi, Mohammad Fatali, është thirrur në një takim nga Ministri i Jashtëm indian Vikram Misri. Gjatë takimit, Misri ka shprehur shqetësimin e thellë të Indisë lidhur me ngjarjen që ka prekur dy anijet me flamur indian.
Sipas autoriteteve indiane, ministri ka kërkuar që Irani të marrë masa për të garantuar sigurinë e lundrimit në zonë dhe të lehtësojë sa më shpejt kalimin e sigurt të anijeve që udhëtojnë drejt Indisë përmes Ngushticës së Hormuzit.
Autoritetet indiane po ndjekin nga afër situatën, ndërsa hetimet për rrethanat e sulmit janë në vazhdim.
