Lindja e Mesme është në gjendje kaosi total nën ethet e shpërthimit të një lufte të përgjithshme. Gjatë mbrëmjes së djeshme, mbi 200 raketa janë lëshuar nga Libani drejt territorit izraelit. Pjesa më e madhe e tyre u kapën në ajër nga sistemi anti-raketor i Izraelit, ndërsa nuk pati persona të lënduar.
Ndërkohë Bejruti gjendet nën alarm për shkak të përplasjeve mes forcave ushtarake izraelite dhe Hezbollahut. Mediat e huaja shkruajnë se ushtarët izraelitë kanë vrarë një tjetër udhëheqës të krahut të armatosur të Hamasit, gjatë përplasjeve me armë në veri të Libanit, pranë Tripolit. Saeed Atallah u vra së bashku me tre anëtarë të familjes nga një sulm izraelit në një kamp refugjatësh palestinezë.
Hezbollahu tha se kishte goditur trupat izraelite me raketa në zonën Yarun të Libanit jugor dhe në dy pika përtej kufirit. Versus.al
