Fishekzjarrët zakonisht janë pjesa qendrore e festimeve të Vitit të Ri në Hong Kong. Por jo këtë vit.
-
Vendet e Paqësorit mirëpresin 2026-ën me spektakël fishekzjarresh
31 Dhjetor, 13:25
Vendi festoi vitin 2026 pa shpërthime spektakolare dhe me ngjyra në qiell mbi Portin ikonë Victoria, pas një zjarri masiv në nëntor të këtij viti që la të vdekur të paktën 161 persona.
Bordi i turizmit i qytetit, në vend të fishekzjarrëve, organizoi një shfaqje muzikore mbrëmjen e së mërkurës me dyshen e soft rock-ut Air Supply dhe këngëtarë të tjerë në Central, një zonë biznesi që gjithashtu është e njohur për jetën e natës në Lan Kwai Fong.
Fasadat e tetë monumenteve u shndërruan në orë gjigante numërimi mbrapsht, duke prezantuar një shfaqje tre-minutëshe dritash në mesnatë.
Fishekzjarrët kanë qenë prej kohësh pjesë e festimeve të qytetit për Vitin e Ri, Vitin Lunar dhe Ditën Kombëtare.
Shfaqjet piroteknike kundër horizontit të famshëm të Hong Kongut të mbushur me qiellgërvishtëse zakonisht tërheqin qindra mijëra njerëz, përfshirë shumë turistë, në të dyja anët e promenade./Versus.al
