Të martën më 24 qershor 2025 Zohran Kwame Mamdani, anëtar i Asamblesë së shtetit të Nju Jorkut, fitoi primaret demokrate për postin e kryebashkiakut me rreth 43.5% të votave, duke mundur ish‑guvernatorin Andrew Cuomo (36.4%) dhe kandidatë të tjerë të profilizua.
Për herë të parë në historinë e Nju Jorkut, një musliman me prejardhje nga Afrika dhe Azia Jugore është në garë për t’u bërë kryebashkiak.
Zohran Mamdani nuk përfaqëson thjesht një emër të ri në politikë – ai është simboli i një qyteti që ndryshon, një zë për ata që shpesh mbesin pa zë, shkruajnë mediat amerikane.
Mamdani mori 432,305 vota në raundin e parë, përballë 361,840 votuesve të Cuomo-s.
Cuomo pranoi humbjen më 25 qershor, duke e cilësuar rezultatin si "surprizë historike" për avantazhin e tij deri në javët e fundit.
I lindur në Uganda por me prejardhe nga India, nëse Mamdani zgjidhet në nëntor, do të jetë kryebashkiaku i parë musliman dhe Indian-amerikan në historinë e qytetit.
Mamdani vetëidentifikohet si demokratik-socialist dhe është anëtar i 'Democratic Socialists of America.'
Fokusi i fortë i Mamdanit në programin e tij janë: çmimet e strehimit dhe transportin publik dhe përkujdesje për shëndetin publik.
Fitorja e Mamdani-t perceptohet si një pikë kthese për pjesën progresive të Partisë Demokrate, si reagim ndaj vështirësive të ish‑establishmentit dhe nevojës për politikë radikale ndaj krizës së strehimit.
Fushata e tij do të duhet të bindë votuesit më të moshuar dhe komunitetet tradicionale, duke transformuar pasionin progresiv në mbështetje të qëndrueshme për zgjedhjet.
Zgjedhjet e nëntorit do të vendosin nëse Nju Jorku po e pranon një drejtues radikal dhe transformues, apo konfirmon rikthimin te moderimi dhe qeverisja status‑quo./Versus.al
