Lija e majmunëve nuk është më një emergjencë shëndetësore publike me shqetësim ndërkombëtar, tha sot drejtori i përgjithshëm i Organizatës Botërore të Shëndetësisë.
Lija e majmunëve është një infeksion i rrallë viral, i transmetuar kryesisht nga kafshët e egra që gjenden në pjesë të Afrikës Perëndimore dhe Qendrore.
Ajo transmetohet nëpërmjet kafshimit ose gërvishtjes së një kafshe të infektuar (kryesisht një brejtësi) dhe, më rrallë, nëpërmjet konsumimit të mishit të pagatuar mirë ose nëpërmjet kontaktit me lëkurën ose gëzofin e një kafshe të infektuar.
Transmetimi nga njeriu te njeriu ndodh nëpërmjet kontaktit me lezione të lëkurës/lëngje trupore të një personi të infektuar, veçanërisht nëpërmjet kontaktit seksual dhe/ose objekteve të kontaminuara, si dhe nëpërmjet pikave të frymëmarrjes nga kontakti i ngushtë i zgjatur.
Periudha e inkubacionit të sëmundjes është 6 deri në 13 ditë, me një interval prej 5 deri në 21 ditë.
“Ky vendim bazohet në rënien e vazhdueshme të rasteve, duke përfshirë Republikën Demokratike të Kongos dhe vende të tjera të prekura, si Burundi, Sierra Leone dhe Uganda”, tha Tedros Adhanom Ghebreyesus./Versus.al
