Presidentja e Komisionit Evropian, Ursula von der Leyen, ka paralajmëruar mbajtjen e një mbledhjeje të posaçme të Kolegjit të Komisionerëve ditën e mërkurë, për të diskutuar përshkallëzimin e konfliktit në Lindjen e Mesme dhe ndikimet e tij potenciale në sigurinë evropiane.
“Të mërkurën do të mbajmë një mbledhje të Kolegjit për Sigurinë, ku do të fokusohemi te përkeqësimi i situatës në Lindjen e Mesme dhe pasojat e saj për Evropën,” – shkroi von der Leyen në një postim në rrjetet sociale.
Kriza në Lindjen e Mesme ka nxitur shqetësime të mëdha për stabilitetin rajonal, si dhe për valë të mundshme emigrimi, kërcënime të sigurisë dhe ndikime ekonomike për kontinentin evropian. /Versus.al
Poll
