Trafiku në aeroportin e Eindhovenit në Holandën jugore u ndërpre për shkak të shfaqjes së një numri të madh dronësh, njoftoi Ministri holandez i Mbrojtjes, Ruben Brekelmans,në një postim në X. “ Pajisjet kundër dronëve janë gati për veprim.
Një hetim është duke u zhvilluar”, shtoi Ministri holandez i Mbrojtjes.
#BREAKING: Air traffic at Eindhoven airport in Netherlands has been suspended due to multiple drone sightings, according to the Dutch defence minister.
— JUST IN | World (@justinbroadcast) November 22, 2025
pic.twitter.com/CbpD7VfC4S
Ushtria holandeze përdori sisteme armësh kundër dronëve në bazën ajrore Volkel, 40 kilometra nga Eindhoven, të mërkurën, njoftoi Ministria e Mbrojtjes.
E pyetur për origjinën e dronëve, ministria nuk bëri komente.
Dronët dhe ndërhyrjet e tjera ajrore kanë shkaktuar probleme në Evropë në muajt e fundit.
Në shtator, më shumë se 20 dronë rusë hynë në hapësirën ajrore polake dhe tre avionë luftarakë rusë shkelën hapësirën ajrore të Estonisë për 12 minuta.
Që atëherë, fluturimet e dronëve me origjinë të panjohur kanë ndërprerë operacionet ajrore në Evropë. Presidentja e Komisionit Evropian Ursula von der Leyen i ka quajtur këto incidente "luftë hibride".
