Detaje të reja janë publikuar lidhur me liderin e Hamasit Yahya Sinwar i cili u vra ditë më parë nga forcat izraelite gjatë një përplasje me armë në Gaza brenda një apartamenti. Së fundmi është publikuar një tjetër video nga ana e ushtrisë izraelite ku tregohen momente të Sinëar dhe familjarëve të tij të cilët largohen nga tuneli nëntokësor i Hamasit pak momente para sulmit të 7 tetorit kundër Izraelit ku mbetën të vrarë mbi 1200 persona.
“Sinwar kishte punuar për vite me radhë për planin e sulmit terrorist të 7 tetorit kundër Izraelit,” tha ai, duke treguar pamjet që tregonin Sinwar dhe familjen e tij duke ecur nëpër një nga tunelet nëntokësore të Hamasit vetëm disa orë përpara pushtimit të 7 tetorit.
Pasi Izraeli iu përgjigj sulmit të Hamasit duke vendosur operacione ushtarake, Sinwar shkoi në Rafah, tha zëdhënësi i IDF. Aty, siç tha Hagari, u gjet material gjenetik i Sinwar, pak metra larg tunelit ku u gjetën të vdekur gjashtë pengje izraelitë.
Newly released Footage from October 6th, the Night before Hamas’ Surprise Attack and Massacre against Southern Israel, shows Yahya Sinwar and Members of his Family make several Trips between the Surface carrying a TV, Food, Water, and other Supplies. They knew what Israel’s… pic.twitter.com/kLqAlNa89H
— OSINTdefender (@sentdefender) October 19, 2024
Michael Kuby, ish-zyrtari i Shin Bet (Agjenci e sigurisë së Izraelit) që mori në pyetje Yahya Sinwar për 180 orë ndërsa mbahej në burgjet izraelite, tha se lideri i Hamasit në Gaza ishte një njeri i pamëshirshëm dhe racional me “sy vrasës”, i cili ia kishte kushtuar jetën ekskluzivisht shkatërrimit të Izraelit dhe vrasjes së hebrenjve.
Ndërsa ditë më parë izraelitët publikuan edhe videon e filmuar nga një dron izraelit ku i jepet goditja finale Sinwarit i cili ishte ulur i plagosur në një prej kolltukëve të apartamentit të bombarduar. Versus.al
