Donald Trump ka dhënë intervistën e tij të parë si president i SHBA-së për kanalin amerikan Fox News. Në këtë intervistë,Trump nuk humbi mundësinë për të përsëritur angazhimin e tij për të dëbimin e milionave emgrintave pa dokumenta, duke u shprehur se ‘mijëra terroristë’ (siç ai i quan emigrantët pa dokumenta) ndodhen në vend për shkak të poltikës së emigracionit të ndjekur nga paradhësi i tij Joe Biden.
Trump theksoi se vende si Venezuela "i hoqën bandat nga rrugët e tyre dhe i sollën në SHBA". “Do të merremi me të”, siguroi presidenti i ri i SHBA-së, duke vlerësuar se “jemi në kohë’.
Në intervistën e tij të djeshme, Trump iu referua edhe vendimit të paraardhësit të tij për të falur paraprakisht disa anëtarë të familjes së tij, si dhe zyrtarë publikë, si Anthony Fauci .
Republikani komentoi se është "e trishtueshme" që Biden nuk e fali veten. "Dhe ju e dini, gjëja qesharake, ndoshta e trishtueshme, është se ai nuk e fali veten," i tha ai Hannity.
Kur u pyet nga gazetari i Fox Neës nëse do të dëshironte që Kongresi të hetonte paraardhësin e tij, Trump u përgjigj: "Unë mendoj se do ta lë Kongresin të vendosë".
Ndërsa zjarret shpërthejnë në Los Anxhelos, Trump la të kuptohet në intervistë se ai po konsideron eliminimin e Agjencisë Federale të Menaxhimit të Emergjencave (FEMA).
"FEMA nuk e ka bërë punën e saj për katër vitet e fundit," tha ai.
" FEMA do të jetë një bisedë e madhe shumë shpejt sepse unë do të doja të shihja shtetet të marrin përsipër problemet e tyre," shtoi ai.
Përveç kësaj, republikani kritikoi mënyrën se si po menaxhohen zjarret në Los Anxhelos nga guvernatori demokrat i Kalifornisë, Gavin Newsom.
Duke folur për Hannity, Trump akuzoi përsëri Newsom për ndalimin e ujit në Kaliforninë veriore për të mbrojtur një specie të mbrojtur peshku. "Unë do të nxjerr një njoftim sot, nuk besoj se duhet t'i japim asgjë Kalifornisë derisa të lënë ujin të rrjedhë" në pjesën jugore të shtetit, shpjegoi ai.
TikTok
Trump hodhi poshtë gjithashtu shqetësimet se TikTok po mbledh të dhënat personale të amerikanëve në emër të Kinës, duke thënë: "A është kaq e rëndësishme që Kina të spiunojë të rinjtë? Fëmijët e vegjël duke parë video të çmendura?'
Pasi gazetari e shtyu Trumpin të fliste më shumë rreth kësaj çështje madje duke thënë se platforma në pronësi të kompanisë kineze ByteDance është "një aplikacion spiun për kinezët komunistë", republikani tha me humor: "Por mund të thuash këtë për të gjitha produktet që prodhohen në Kinë - shiko telefonat janë prodhuar kryesisht në Kinë, kemi kaq shumë gjëra që prodhohen në Kinë, kështu që pse të mos i referohemi kësaj?'./Versus.al
