Tiranë- Ish-ministri i Shëndetësisë, Ilir Beqaj nën akuzë për shpërdorim detyre për koncesionin e sterilizimit, ka hequr dorë nga “ngujimi” brenda ambienteve të SPAK për të lexuar dosjen voluminoze ndaj tij.
Mëngjesin e kësaj të premteje, Beqaj ka dalë nga ambientet e SPAK së bashku me avokatin e tij i cili mban një valixhe të mbushur plot me aktet e dosjes së sterilizimit për të cilat SPAK i kërkonte Beqajt të paguante tarifën prej 10 milionë lekësh për të marrë një kopje të akteve të dosjes së tij.
Seanca paraprake gjyqësore në GJKKO pritet të mbahet më 3 qershor, pasi ajo e përcaktuar për t’u mbajtur më 13 maj u shty për shkak të kërkesës së avokatëve të Ilir Beqajt që kërkuan kohë për t’u njohur me dosjen e sterilizimit për të cilën Ilir Beqaj akuzohet për shpërdorim detyre. Versus.al
