Çfarë do të gjeni në brendësi
*Presidenti turk Recep Tayyip Erdogan ka mbërritur në Tiranë në orën 11:05 ku fillimisht u takua me presidentin Bajram Begaj më pas me kryeministrin Edi Rama me të cilin është parashikuar edhe mbajtja e një konference të përbashkët në orën 14:30. *Një detaj i vënë re nga mediat gjatë pritjes së Erdoganit në presidencë është “ankesa” që i bëri presidenti Bajram Begaj për madhësinë e zyrave duke thënë se janë shumë të vogla dhe se i ka kërkuar kryeministrit Edi Rama të nisë punimet për një ndërtesë tjetër. *Vizita e Erdogan do të përmbyllet me inagurimin e xhamisë së Namazgjasë e cila do të jetë zyrtarisht më e madhja e ndërtuar në Ballkan. *Në kuadër të masave të sigurisë të ndërmarra për sigurinë e Erdogan, janë bllokuar disa rrugë të cilat janë kyçe për lëvizjen në kryeqytet. *E papritur ishte anulimi i seancës plenare të planifikuar për sot vetëm për shkak të vizitës së Erdogan. Partia Demokratike e cila kishte paralajmëruar kaosin e radhës, ka reaguar për këtë anulim duke e cilësuar si vendim antikushtetues të ndërmarrë nga kryeparlamentarja Elisa Spiropali. Kjo e fundit, iu përgjigj opozitës duke i kërkuar të kthehet në rrugën e arsyetimit politik dhe të heqë dorë nga veprimet e dhunshme të cilat i konsideroi “çnjerëzore”. *Edi Rama falenderon presidentin turk për xhaminë Namazxhasë që pritet të përurohet ditën e sotme. *‘Të gjithë ikin, po shtëpitë e besimit mbeten aty’ u shpreh Rama gjatë konferencës për shtyp. *Presidenti i Turqisë Rexhep Tajip Erdogan në fjalën e tij në deklaratat për mediat së bashku me kryeministrin shqiptar Edi Rama, tha se Turqia e Shqipëria kanë qenë dhe mbeten vende mike dhe aleate tepër të ngushta. *Kreu i shtetit turk tha se ka biseduar me kryeministrin Rama edhe “për luftën ndaj organizatave terroriste, veçanërisht FETO-n”.
‘Të gjithë ikin, po shtëpitë e besimit mbeten aty’, Rama falenderon Erdogan për xhaminë e Namazgjasë: Ejvallah
Kryeministri Edi Rama ka mbajtur fjalën e tij në konferencën e përbashkët me presidentin turk Taip Erdogan ku i është drejtuar me falenderime në gjuhën turke për ndihmën në ndërtimin e Xhamisë së Namazgjasë, firmosjen e disa marrëveshjeve mes 2 shteteve si dhe dhurimin e disa dronëve kamikazë.
“President përsa i përket kësaj godine, falenderime dhe shprehjet më të sinqerta të mirënjohjeve dhe për vizitën në Tiranë së bashku me ekipin: Ejvallah
Mundëm të vlerësojmë të marrëveshjeve të bëra, siç dëgjuat dhe nga ai vetë të arrijmë në vlerën e 2 miliardë dollarëve të vëllimit tregtar dhe pastaj të vijojmë me çështje të tjera, si turizmi duke nisur nga numri i vizitorëve turq është rritur me 85 për qind dhe patjetër duke parë interesimin në rritje të vendit mik ne jemi besimplotë që numri i vizitorëve nga Turqia do të jetë më mbresëlënës. Ramë plotësisht dakord për investime të drejtpërdrejta në sektorin e turizmit dhe ku e dimë të gjithë që Tuurqia ka bërë një ndryshim marramendës dhe është kthyer në një vend që mirëpret miliona turistë, por ka dhe një kapacitet të dijes në nivel të ekselencës që ne do e kishim shumë të vyer. Më e shumëpritura nga ana jonë ishte firmosja e marrëveshjes së Universitetit Teknik të Stambollit në Tiranë. Është shumë e rëndësishme në disa aspekte, dhe patjetër do të sjellë një hapësirë të re të universiteve të kuotuar nga më të mirët në botë. Është hera e parë në praktikën e republikës së Turqisë që bën një gjë të tillë dhe vjen si një vlerësim në marrëdhënien vëllazërore”.
Gjithashtu Rama ka theksuar se emri i Erdogan do mbetet përgjithmonë në vendin tonë, pas ndërtimit të Xhamisë së Namazgjasë dhe kur gjithë të tjerët do të ikin.
“Në lidhje me projektin mbaj mend që kur u zgjodha me prezantuat projektin dhe unë pata disa vërejtje, por ju më thatë bëjeni si të doni, bashkë do e inaugurojmë. Është e vërtetë, të gjithë ikin, por shtëpitë e besimit mbesin aty.”
Kryeministri Rama gjithashtu ka folur dhe mbi diferencat në qëndrimet me presidentin turk, Erdogan në lidhje me luftën në Gaza:
Nga ana tjetër ne jemi shumë të interesuar dhe përmbushur sot pas konfirmimit të një etape të re të fuqizimit të fuqisë ushtarake, ku dihet botërisht që Turqia ka arritur në niel të lartë për prodhimin e industrisë ushtarake dhe ne kemi kërkuar konkretisht investime në këtë fushë. E thashë në hapje që unë e çmoj posaçërisht dhuratën e presidentit sot ku bota ka marrë një drejtim të çuditshëm për ta thënë butë, për ti dhënë ushtrisë një numër dronesh kamikaze. Besoj që është një dhuratë që përmban brenda një mesazh shumë të qartë që Shqipëria është e pagoditshme. Sigurisht që Ukraina është një temë qendrore e çdo bisede që unë kam pasur me presidentin e Turqisë, dhe sot përveç konfliktit në Ukrainë që po godet një popull që është në të drejtën e vet për të jetuar i lirë dhe ajo që ndodh përditë në Gaza është një tragjedi në përmasa kolosale.
Ne ndajmë shpesh vlerësime të njëjta dhe lidhur me të drejtën e pamohueshme të popullit palestinez për të jetuar i lirë në shtetin e tij, por në një pikë kemi një kundërshtim duke qenë tërësisht të vendosur kundër terrorizmit. Për ne terrori në çdo formë apo pamje që shfaqet është i patolerueshëm, ne kemi votuar për një armëpushim në Këshillin e Sigurisë, por për ne Hamasi dhe çdo organizatë tjetër nuk ka vend për tu imponuar mbi dy shtete si Palestina dhe Izraeli. Pas kësaj vizite dhe këtij momenti kaq të rëndësishëm, që i shtohet dhe hapja e xhamisë së Namagjasë, Presidenti turk do të niset për Beograd. Dua t’ju kujtoj qëkur Erdogan ishte kryeministër, Turqia e ka njohur e para pavarësinë e Kosovës. Një mik më të padiskutueshëm në të gjitha ditët se Turqia dhe presidenti i saj, Kosova nuk e gjen askund dhe ne ndajmë shqteësimin që situata mes dy shteteve duhet të përmirësohet dhe se dialogu duhet të prevalojë”./ Versus.al
“Luftë organizatës terroriste FETO, Namazgjaja dhuratë për besimtarët”, Erdogan: Do ta çojmë vëllimin tregtar në 2 miliardë dollarë
Presidenti i Turqisë, gjatë konferencës për shtyp me kryeministrin Edi Rama zbardhi detaje nga takimi kokë më kokë dhe me dyer të mbyllura.
Presidenti turk tha se kanë dikustuar për luftën kundër organizatave terroriste, veçanërisht organizatës FETO.
Gjitashtu në fund të fjalës së tij, President turk u shpreh se xhamia e Namazgjasë është një dhuratë nga Turqia për motrat dhe vëllezërit tanë në Shqipëri.
“Ju përshëndes në emër të kombit tim. I nderuar që jam në vendim mik dhe vëllazëror Shqipërinë, në rastin e takimit tonë. Vitin e kaluar festuam 100 vjet e vendosjes së marrëdhënieve diplomatike me Shqipërinë. Marrëdhëniet tona miq me Shqipërinë, të forcuara nga lidhjet historike dhe afërsia kulturore, shtrihen përtej një shekulli.
I shohim nismat në fushën e tregtisë dhe investimeve si hapa që do rrisin mirëqenien e popujve, vazhdojmë përpjekjet për të rritur vëllimin tregtar në 2 mld dollarë në fazën e parë. Ramë dakord të diversifikojmë investimet e ndërsjella duke përfshirë sektorë novatorë. Do vazhdojmë bashkëpunimin në fushën e mjekësisë. Ne do të ofrojmë mbështetjen për të përmirësuar nevojat e FA, për partnerin tonë strategjik dhe aleatin tonë të NATO-s në fushën e trajnimeve ushtarake dhe pajisjeve ushtarake.
Ne ndjekim përpjekjet për të vendosur paqe dhe stabilitet në rajon. Mizoritë izraelite në territoret palestineze ishin ndër pikat prioritare të agjendës sonë. Unë ndava pikëpamjet tona për agresionin e Netanyahut. Gjenocidi në Gazë është turpi ynë i përbashkët, i të gjithë njerëzimit. Ne si ndërkombëtar duhet të bëjmë çmos të sigurojmë armëpushim të përhershëm dhe të bëjmë presionin e nevojshëm mbi Izraelin, shpresoj që Shqipëri të bëjë pjesën e saj në këtë drejtim
Përsëri sot me mikun tim Edi Rama do të hapim xhaminë e Namazgjasë, një dhuratë e Turqisë, e cila është dhuratë për motrat dhe vellëzërit tanë muslimanë në Shqipëri. Falënderojmë ata që kontribuuan. Xhamia më e madhe në Ballkan do të jetë një vend ku do të mbizotërojë paqja. Falënderoj mikun tim Rama për mikpritjen e sinqertë.' u shpreh Erdogan./ Versus.al
“Një ceremoni politike”/ Ndikimi i Turqisë për kontrollin e Xhamisë së Madhe të Tiranës
Pas një sage prej disa dekadash, Xhamia e Namazgjasë do të inaugurohet të enjten në Tiranë në prani të presidentit turk, Rexhep Taip Erdogan dhe kryeministrit shqiptar, Edi Rama. Por drejtuesit e lartë të Komunitetit Mysliman Shqiptar – pronari “de jure” i xhamisë së re – nuk janë të ftuar.
Mungesa lidhet me pakënaqësitë e presidentit të Turqisë ndaj drejtuesve të KMSH-së, të cilët sulmohen prej vitesh nga organizata të lidhura me Ankaranë si “gylenistë”, një term që i bën ata armiq të Erdogan.
Ndërtimi i Xhamisë së Madhe nisi në vitin 2015 mbi truallin e njohur si Namazgjah në zemër të Tiranës, me mbështetjen financiare të Drejtorisë për Çështjet Fetare në Turqi, Diyanet. Punimet pothuajse përfunduan në vitin 2019, por hapja e xhamisë u mbaj pezull edhe për pesë vjet të tjera.
BIRN mësoi se inaugurimi i vonuar i Xhamisë së Namazgjasë lidhet me një konflikt të nëndheshëm mes Diyanet dhe Komunitetit Mysliman Shqiptar për kontrollin e saj – tension i cili doli në sipërfaqe me njoftimet kontradiktore për hapjen e xhamisë.
Fillimisht, kleriku turk Enes Bastur njoftoi në rrjetet sociale se ishte ngarkuar Drejtoria për Çështjet Fetare për të drejtuar Xhaminë e Namazgjasë në Tiranë. Më pas, KMSH deklaroi tërthorazi mungesën e drejtuesve të saj në inaugurim, duke theksuar se do të përfaqësoheshin nga Myftiu i Tiranës, Gazmend Teqja. KMSH po ashtu pranoi se ajo nuk do të menaxhonte e vetme xhaminë, por përmes një fondacioni me “palën tjetër”, ku Teqja do të jetë kryetar i bordit.
Kjo ndërhyrje e shtetit turk dhe e presidentit Erdogan në çështjet e fesë në Shqipëri kritikohet nga një pjesë e komunitetit mysliman.
“Më shumë se një ceremoni fetare duket si një ceremoni politike,” i tha BIRN ish-kreu i Komunitetit Mysliman Shqiptar, Skënder Bruçaj, sot drejtues i fondacionit “Hafiz Ali Korça” që menaxhon universitetin “Bedër”.
“Ndërhyrja kaq e egër e një institucioni të huaj, ose një shteti të huaj në punët e brendshme, në mënyrën se si menaxhohet jeta fetare në Shqipëri është në kundërshtim me filozofinë islame, por edhe me të drejtat e njeriut, me ligjin këtu dhe me Kushtetutën e Shqipërisë,” shtoi Bruçaj.
Kryetari i Komunitetit Mysliman Shqiptar, Bujar Spahiu dhe klerikë të tjerë nuk iu përgjigjën interesit të BIRN për të komentuar mbi këtë çështje, ndërsa një zyrtar i KMSH-së që foli në kushtet e anonimatit, pranoi se drejtimi i xhamisë përmes një fondacioni ishte “një zgjidhje për të dalë nga ngërçi” që mbante të bllokuar xhaminë.
Presion për influencë
Në një vizitë të mëparshme në janar të vitit 2022 në Tiranë, presidenti turk Rexhep Taip Erdogan i kërkoi Shqipërisë të merrte hapa konkrete kundër atyre që i quajti struktura të FETO në Shqipëri. Turqia i referohet lëvizjes së drejtuar nga kleriku që jeton në SHBA, Fetullah Gylen si FETO dhe e ka shpallur atë organizatë terroriste.
Kërkesa të tilla kanë qenë të përsëritura në mënyrë të drejtpërdrejtë apo përmes kanaleve diplomatike dhe e kanë detyruar në të shkuarën qeverinë shqiptare që të mbyllë disa shkolla të lidhura me Gylen apo të dëbojë një mësues të akuzuar si “Gylenist”.
Përplasje të tilla përfshinë gjithashtu edhe çështjet e fesë.
Ish-kreu i Komunitetit Mysliman Shqiptar, Skënder Bruçaj kujton se problemet e KMSH-së me Diyanet filluan që prej vitit 2014, kur u kërkua ndërprerja e marrëdhënieve me fondacionin “Sema” që financon dhe menaxhon medresetë e vendit si dhe emërimi i disa imamëve turq.
Bruçaj thotë se KMSH kishte qenë i hapur për të bashkëpunuar me Diyanet, duke i dhënë mundësinë që të hapte medresetë e veta dhe të konkurronte me fondacionin “Sema”, pasi ndërprerja e marrëdhënieve me këtë të fundit ishte konsideruar e pamundur teknikisht, ligjërisht dhe nga ana njerëzore.
“Ishin me mijëra nxënës në këto shkolla dhe nuk kishte alternativë”, tha Bruçaj.
Ai shtoi gjithashtu se edhe kërkesa e dytë për të pranuar që imamët të emëroheshin apo të paguheshin nga Diyanet ishte e pamundur për t’u plotësuar nga KMSH. Sipas Bruçajt, në Ankara nuk kuptohet ndryshimi mes Diyanet – një institucion në varësi të qeverisë dhe KMSH-së, e cila gëzon autonomi dhe ka detyrimin të qëndrojë larg politikës.
Emërimi i imamëve nga Drejtoria për Çështjet Fetare në Turqi, Diyanet, është një ndër politikat e përhapura të Ankarasë zyrtare në Europë, e cila ka shkaktuar së fundmi përplasje në Gjermani. Sipas një raportimi të Reuters, pas dyshimeve se imamët ishin përdorur për spiunim nga Ankaraja, Gjermania vendosi zëvendësimin e tyre me klerikë të trajnuar dhe shkolluar në Gjermani.
Përpjekjet për ndikim shoqëruan edhe ndërtimin e Xhamisë së Namazgjasë, e cila u financua nga Diyanet. Bruçaj i tha BIRN se bazuar në raportet e survejimit që ai ka parë kur drejtonte Komunitetin, në vitin 2019 kishin përfunduar gati 96% e punimeve.
Ai dyshon se punimet u ndërprenë për të penguar Komunitetin Mysliman Shqiptar që të merrte në dorëzim xhaminë dhe ta menaxhonte atë.
“Burokratët në Ankara nuk e donin këtë dorëzim dhe mosdorëzimi i saj ishte pjesë e përpjekjeve disa vjeçare për të fituar kontroll mbi KMSH-në,” tha Bruçaj.
Në një vizitë të mëparshme në janar të vitit 2022 në Tiranë, presidenti turk Rexhep Taip Erdogan i kërkoi Shqipërisë të merrte hapa konkrete kundër atyre që i quajti struktura të FETO në Shqipëri. Turqia i referohet lëvizjes së drejtuar nga kleriku që jeton në SHBA, Fetullah Gylen si FETO dhe e ka shpallur atë organizatë terroriste.
Kërkesa të tilla kanë qenë të përsëritura në mënyrë të drejtpërdrejtë apo përmes kanaleve diplomatike dhe e kanë detyruar në të shkuarën qeverinë shqiptare që të mbyllë disa shkolla të lidhura me Gylen apo të dëbojë një mësues të akuzuar si “Gylenist”.
Përplasje të tilla përfshinë gjithashtu edhe çështjet e fesë.
Ish-kreu i Komunitetit Mysliman Shqiptar, Skënder Bruçaj kujton se problemet e KMSH-së me Diyanet filluan që prej vitit 2014, kur u kërkua ndërprerja e marrëdhënieve me fondacionin “Sema” që financon dhe menaxhon medresetë e vendit si dhe emërimi i disa imamëve turq.
Bruçaj thotë se KMSH kishte qenë i hapur për të bashkëpunuar me Diyanet, duke i dhënë mundësinë që të hapte medresetë e veta dhe të konkurronte me fondacionin “Sema”, pasi ndërprerja e marrëdhënieve me këtë të fundit ishte konsideruar e pamundur teknikisht, ligjërisht dhe nga ana njerëzore.
“Ishin me mijëra nxënës në këto shkolla dhe nuk kishte alternativë”, tha Bruçaj.
Ai shtoi gjithashtu se edhe kërkesa e dytë për të pranuar që imamët të emëroheshin apo të paguheshin nga Diyanet ishte e pamundur për t’u plotësuar nga KMSH. Sipas Bruçajt, në Ankara nuk kuptohet ndryshimi mes Diyanet – një institucion në varësi të qeverisë dhe KMSH-së, e cila gëzon autonomi dhe ka detyrimin të qëndrojë larg politikës.
Emërimi i imamëve nga Drejtoria për Çështjet Fetare në Turqi, Diyanet, është një ndër politikat e përhapura të Ankarasë zyrtare në Europë, e cila ka shkaktuar së fundmi përplasje në Gjermani. Sipas një raportimi të Reuters, pas dyshimeve se imamët ishin përdorur për spiunim nga Ankaraja, Gjermania vendosi zëvendësimin e tyre me klerikë të trajnuar dhe shkolluar në Gjermani.
Përpjekjet për ndikim shoqëruan edhe ndërtimin e Xhamisë së Namazgjasë, e cila u financua nga Diyanet. Bruçaj i tha BIRN se bazuar në raportet e survejimit që ai ka parë kur drejtonte Komunitetin, në vitin 2019 kishin përfunduar gati 96% e punimeve.
Ai dyshon se punimet u ndërprenë për të penguar Komunitetin Mysliman Shqiptar që të merrte në dorëzim xhaminë dhe ta menaxhonte atë.
“Burokratët në Ankara nuk e donin këtë dorëzim dhe mosdorëzimi i saj ishte pjesë e përpjekjeve disa vjeçare për të fituar kontroll mbi KMSH-në,” tha Bruçaj.
Drejtimi i paqartë i xhamisë
Mënyra se si do të menaxhohet Xhamia e Namazgjasë mbetet e paqartë, por BIRN mësoi nga zyrtarë pranë KMSH se është arritur një kompromis, i cili ende nuk është zyrtarizuar. Gjithsesi, fondacioni që do të menaxhojë xhaminë nuk është krijuar ende, ndërsa nuk ka qartësi as për mënyrën e drejtimit.
Sipas një zyrtari të KMSH-së, i cili foli në kushtet e anonimatit, fondacioni u gjet si një zgjidhje për të shprehur mirënjohjen, por edhe për faktin se Namazgjaja nuk do jetë thjesht një xhami, por do të ketë edhe aktivitete të tjera.
Përmes një deklarate për mediat, KMSH falenderoi presidentin Erdogan dhe kryeministrin shqiptar, Edi Rama që “bënë të mundur realizimin e kësaj ëndrre të besimtarëve myslimanë shqiptarë”.
Në njoftim thuhet gjithashtu se KMSH do të përfaqësohet nga myftiu i Tiranës, Gazment Teqja, i cili do të jetë kreu i bordit të fondacionit të përbashkët “mes KMSH dhe palës tjetër” që do të administrojë Xhaminë e Namazgjasë.
Edhe Myftinia e Tiranës deklaroi përmes një njoftimi se imami zyrtar i Xhamisë së Madhe të Tiranës do të jetë Teqja, njëkohësisht kreu i Fondacionit “që do të jetë autoriteti i vetëm administrues i këtij kompleksi”.
Megjithatë, Bruçaj parashikon se kjo xhami do të jetë nën kontrollin e qeverisë turke.
“KMSH u shty në një kompromis jo të hijshëm, duke lëshuar prej autoritetit dhe autonomisë së tij, por kjo është një sakrificë e përkohshme për t’u dhënë qytetarëve xhaminë,” tha ai, ndërsa shtoi: “Politikanët vijën e ikin, xhamia do të mbetet aty”!/ BIRN
FOTO/ Presidenti turk Erdogan dhe bashkëshortja e tij mbërrijnë në Rinas
Presidenti turk , Rexhep Tajip Erdogan ka mbërritur bashkë me bashkëshorten e tij, Emine, në Rinas.
Të kapur për dore ato kanë zbritur shkallët e avionit.
Presidenti turk do të pritet nga homologu i tij shqiptar Bajram Begaj.
Agjenda e Erdogan parashikon një takim me presidentin Bajram Begaj dhe kryeministrin Edi Rama, me të cilin më pas do të ketë edhe një konferencë për shtyp.
Presidenti Erdogan u prit në Aeroportin Nënë Tereza nga Zëvendëskryeministrja e Shqipërisë dhe Ministrja e Infrastrukturës dhe Energjisë Belinda Balluku, Ministri i Punëve të Jashtme Igli Hasani, Ministri i Punëve të Brendshme Ervin Hoxha, Ministrja e Arsimit dhe Sportit Ogerta Manastirliu, ambasadorja e Shqipërisë në Ankara Blerta.
Agjenda e plotë e presidentit turk, Rexhep Erdogan:
11:30 – 11:40
Ceremonia e pritjes në Presidencë
11:40 – 12:40
Takim me presidentin Begaj
12:40 – 13:40
Mbledhja e Këshillit të bashkërendimit të nivelit të lartë
13:40 – 14:00
Ceremonia e firmosjes së marrëveshjeve
14:00 – 14:30
Konferencë Erdogan- Rama
16:30 – 17:30
Ceremonia e inaugurimit të xhamisë së Namazgjasë./Versus.al
Reagimi i PD për anulimin e seancës, Spiropali i kthehet Bardhit: Reflekto mbi degradimin etik
Kryeparlamentarja Elisa Spiropali ka reaguar pas deklaratës së grupit parlamentar të Partisë Demokratike ku kritikohej vendimi për anulimin e seancës plenare në kuadër të vizitës që presidenti turk Erdogan zhvillon sot në vend.
Në reagimin zyrtarë të shpërndarë nga Kuvendi, Spiropali i ka bërë thirrje kreut të grupit parlamentar të PD-së, Gazment Bardhit që të reflektojë mbi atë që ajo e konsideroi “degradim etik”.
“Kryetarja e Kuvendit, shpreh keqardhje të sinqertë për komunikatën e Grupit Parlamentar të Partisë Demokratike, e cila është vazhdë e sulmeve jonjerëzore, përveçse antidemokratike me këmbë karrigesh mbi të, gjatë kryerjes së detyrës.
Kryetarja e Kuvendit e fton Grupin Parlamentar të Partisë Demokratike dhe posaçërisht autorin e goditjes me këmbë karrigeje, si edhe të kësaj komunikate goditëse me gjuhën e shpifjes, të reflektojnë mbi degradimin etik që po karakterizon veprimtarinë e tyre. Kryetarja e Kuvendit e siguron Kuvendin dhe zgjedhësit se këto shfaqje degraduese të pakicës së të zgjedhurve, as nuk e intimidojnë dhe as nuk e pengojnë dot të kryejë me përkushtim, drejtësi dhe besnikëri të palëkundur ndaj rregullave të Kuvendit, rolin e saj institucional”- thuhet në reagimin e shpërndarë nga institucioni.
PD e akuzoi më herët Spiropalin se vendimi për anulimin e seancës plenare pa asnjë lloj njoftimi paraprak, është në shkelje të ligjit. Versus.al
Kishin paralajmëruar kaos, PD reagon pas anulimit të seancës plenare: Dënojmë sjelljen e Spiropalit
Partia Demokratike ka kritikuar ashpër vendimin për anulimin e seancës plenare të sotme në kuadër të vizitës që presidenti turk Reccep Tayyip Erdogan do të zhvillojë në Tiranë.
Në reagimin e bërë, PD e dënon me forcë vendimin duke e cilësuar si antikushtetues, ndërsa ka kritikuar kryeparlamentaren Elisa Spiropali për të cilën thuhet se nuk mund të trajtojë Kuvendin si ‘qelinë e burgut të Pëllumb Gjokës’, biznesmenit të arrestuar në kuadër të Metamorfozës.
“Kuvendi i Shqipërisë është institucion kushtetues, që funksionon sipas Kushtetutës dhe Rregullores së Kuvendit. Seanca plenare dhe plani i punës së Kuvendit miratohen nga Konferenca e Kyetarëve me mirëkuptim apo nga seanca plenare, që ka përcaktuar me vendim se dita e enjte, datë 10 Tetor 2024, është ditë për mbledhjen e Kuvendit në seancë plenare. Kryetarja e Kuvendit ka vetëm detyrimin për të caktuar çështjet qe trajtohen, pra Rendin e Ditës.
Anullimi i seancës me vendim personal të Elisa Spiropalit është antikushtetues dhe bie ndesh me çdo parim demokratik të funksionimit të Parlamentit. Kuvendi nuk është qelia personale në burg e Pëllumb Gjokës, që për shkak të lidhjeve me pushtetin, ai e hap e mbyll sa herë dëshiron. Kuvendi është tempulli i përfaqësimit të qytetarëve, që nuk mund të trajtohet kurrë si qelia e Pëllumb Gjokës.
Grupi Parlamentar i Partisë Demokratike dënon me forcë sjelljen e Kryetares së Kuvendit Elisa Spiropali, që hap e mbyll punimet e Kuvendit, pa asnjë konsultim, pa ndjekur asnjë rregull, duke shkelur Kushtetutën dhe Rregulloren e Kuvendit, dhe duke e shndërruar zyrtarisht Parlamentin e Shqipërisë në qelinë personale në burg ku strehohet Pëllumb Gjoka apo të ngjashmit e tij”- thuhet në reagimin e PD.
Sot një pjesë e madhe e rrugëve në kryeqytet do të jenë të bllokuara në kuadër të vizitës që Erdogan do të zhvillojë në Shqipëri. Kjo vizitë prishi edhe planet e opozitës e cila kishte paralajmëruar sërish kaos në seancë plenare pavarësiht përjashtimit të 24 deputetëve. Versus.al
Erdogan viziton Tiranën për inagurimin e ‘Namazgjasë’! Disa rrugë të bllokuara, anulohet seanca në Kuvend
Presidenti turk, Recep Tayyip Erdogan do të zhvillojë sot një vizitë zyrtare në Tiranë për të inaguruar xhaminë e Namazgjasë, më e madhja në Ballkan, ndërtimi i të cilës ka nisur prej 2018-ës. Agjenda e Erdogan parashikon një takim me presidentin Bajram Begaj dhe kryeministrin Edi Rama, me të cilin më pas do të ketë edhe një konferencë për shtyp.
Fillimisht në orën 11:30 Erdogan do të pritet me ceremony në presidencë nga Begaj. Më pas në orën 12:15 do të takohet me Ramën në kryeministri. Agjenda përmban edhe mbledhje të këshillit të Bashkëpunimit të Nivelit të Lartë mes dy vendeve në orën 13:15.
Ndërsa në orën 14:35 pritet që Erdogan të mbajë konferencë për shtyp me Ramën. Gjatë kësaj vizite, do të nënshkruhen 3 marrëveshje bashkëpunimi mes delegacioneve të dy vendeve. Në orën 15:00, do të shtrohet një drekë në nder të vizitës së Erdogan.
Ndërsa vizita e presidentit turk do të mbyllet me inagurimin e xhamisë së Namazgjasë ku do të jetë i pranishëm kryeministri Edi Rama. Jashtë kësaj ceremonie është lënë kreu i KMSH Bujar Spahiu, ndërsa do të jetë në vendin e tij, myftiu i Tiranës, Gazment Teqja që pritet të jetë edhe imami zyrtar i Xhamisë së Madhe.
Vizita e Erdogan në Tiranë ‘prishi’ edhe planin e opozitës për të krijuar kaos sërish në Kuvend pasi seanca e planifikuar për t’u mbajtur sot, u anulua.
"Ju njoftojmë se seanca plenare e Kuvendit të Shqipërisë, e planifikuar për ditën e enjte, datë 10 tetor, është anuluar dhe do të zhvillohet në datën 17 tetor, me rend dite të përbashkët, sipas kalendarit të punimeve të Kuvendit", thuhet në njoftimin e Kuvendit.
Seanca e radhës është njoftuar për t’u mbajtur më 17 tetor.
Agjenda
11:30- Ceremonia e pritjes në presidencë, takim kokë më kokë me presidentin Begaj
12:15- Takimi i Kryeministrit Edi Rama me Presidentin ErdoÄan
13:15- Këshilli i Bashkëpunimit të nivelit të lartë Shqipëri-Turqi
14:25- Firmosja e marrëveshjeve respektive mes dy vendeve
14:35- Deklaratë e përbashkët e Kryeministrit Rama - Presidentit ErdoÄan
15:00- Drekë në Pallatin e Brigadave
16:50- Ceremonia e inaugurimit të Xhamisë
Në kuadër të vizitës në Shqipëri, të Presidentit të Turqisë, Recep Tayyip ErdoÄan, Policia ka ndërmarrë disa masa, mes të cilave edhe bllokimi i disa rrugëve në kryeqytet.
Referuar njoftimit, drejtuesit e automjeteve të shfrytëzojnë autostradën e re Kashar - Rinas, për të qarkulluar në drejtim të aeroportit të Rinasit, pasi aksi i vjetër Kashar - Rinas nga ora 10:00 deri në 11:30, si dhe nga ora 17:00, deri në orën 18:00, të datës, 10.10.2024, do të jetë i bllokuar. Versus.al
