Çfarë do të gjeni në brendësi
* Ndryshe nga sa ishte parashikuar, ditën e nesërme nuk do të ketë seancë plenare. Vendimi është marrë nga Kuvendi i cili ka njoftuar edhe grupet parlamentare. * Shkaku kryesor është ardhja e presidentit turk, Rexhep Tajip Erdogan në Tiranë në ceremoninë e inaugurimin e xhamisë së Namazgjasë. * Në kuadër të vizitës në Shqipëri, të Presidentit të Turqisë, Recep Tayyip Erdoğan, Policia ka ndërmarrë disa masa, mes të cilave edhe bllokimi i disa rrugëve në kryeqytet. * Bëhet e ditur se do të ketë bllokime të disa segmenteve rrugore, si dhe bllokime të pjesshme të disa segmenteve të tjera, në varësi të takimeve dhe aktiviteteve që do të zhvillohen gjatë vizitës, në Tiranë.
Erdogan në Tiranë, anulohet seanca plenare! Opozita paralajmëron kaos
Ndryshe nga sa ishte parashikuar, ditën e nesërme nuk do të ketë seancë plenare. Vendimi është marrë nga Kuvendi i cili ka njoftuar edhe grupet parlamentare.
Shkaku kryesor është ardhja e presidentit turk, Rexhep Tajip Erdogan në Tiranë në ceremoninë e inaugurimin e xhamisë së Namazgjasë.
Për shkak të vizitës së tij, ministra dhe deputetët do të jenë pjesë e pritjes zyrtare, e ndërsa disa segmente rrugore pranë xhamisë, e për rrjedhojë dhe pranë Kuvendit, do të jenë të bllokuar.
Nga ana tjetër, opozita kishte njoftuar se në seancën e nesërme do të vijonte skenarin e saj kundër asaj që ato e kanë quajtur "paligjshmërisë". Kujtojmë se në seancën e kaluar nuk kanë munguar edhe zjarri duke mos lejuar zhvillimet normale të punës.
Kuvendi nuk ka dalë në një njoftim zyrtar mbi motivet.
Konspiracion apo informacion? Mediat greke: Erdogan nesër takim kokë më kokë me Baba Mondin!
Vizita e pritshme e presidentit turk Taip Recep Erdogan nesër në Tiranë, ka qenë temë edhe në mediat greke. E përditshmja Prothotema hedh "në tregun" mediatik dhe lajmin se Erdogan do të ketë një takim kokë më kokë me Baba Mondin, veç takimeve zyrtare me kryeministrin Rama, presidentin Begaj dhe inaugurimi të xhamisë së Namazgjasë.
“Protothema” deklaron se Erdogan do të ketë dhe një takim me Baba Mondin. Nuk e dimë nëse është konspiracion apo mediat greke kanë arritur të sigurojnë informacione të sigurta.
Shkrimi i “Protothemës”
Presidenti i Turqisë, Recep Tayyip Erdoğan do të vizitojë Tiranën nesër, e enjte, më 10 tetor, ku do të marrë pjesë në inaugurimin e xhamisë së re të Namazgjasë në kryeqytetin shqiptar.
Xhamia, ndërtimi i së cilës filloi në vitin 2015, konsiderohet më i madhi në Ballkan, me katër minare, secila 35 metra të larta, me një stil arkitekturor që të kujton epokën osmane. Përreth xhamisë do të ketë objekte që do të funksionojnë si qendër kulturore, bibliotekë, hapësirë ekspozite, sallë konferencash, “muze të bashkëjetesës” dhe shkollë për mësimin e Kuranit.
Komuniteti Mysliman Shqiptar ka lëshuar një deklaratë ku shpreh mirënjohje për “popullin vëlla turk”, Presidentin Erdogan dhe kryeministrin shqiptar Edi Rama që bënë të mundur ndërtimin e xhamisë së re të madhe në Tiranë.
Myftiu i Tiranës Gazment Teqja, është emëruar kryetar i Bordit Drejtues të fondacionit të përbashkët mes Komunitetit Mysliman dhe palës turke, që do të menaxhojë xhaminë e re.
Presidenti turk pritet të takohet në Tiranë edhe me liderin fetar të sektit mysliman bektashi në Shqipëri dhe në mbarë botën, Edmond Brahimaj, i njohur për ndjekësit edhe si Baba Mondi. Muajin e kaluar, një raport i Neë York Times zbuloi planin e kryeministrit Edi Rama për të krijuar një shtet sovran mysliman bektashi brenda territorit shqiptar, të modeluar sipas Vatikanit, gjë që shkaktoi një reagim nga përfaqësuesit e komunitetit të madh bektashi në Turqi.
Ndërsa axhenda zyrtare e Erdoganit në Tiranë nuk është bërë e ditur, burimet bëjnë me dije se ai pritet të bashkëkryesojë konferencën e planifikuar ndërqeveritare me kryeministrin shqiptar dhe do të pritet nga presidenti shqiptar, Bajram Begaj.
Erdogan vjen në Tiranë/ Bllokohet kryeqyteti, oraret dhe rrugët ku nuk do të lëvizin makinat
Në kuadër të vizitës në Shqipëri, të Presidentit të Turqisë, Recep Tayyip ErdoÄan, Policia ka ndërmarrë disa masa, mes të cilave edhe bllokimi i disa rrugëve në kryeqytet.
Për pasojë, bëhet e ditur se do të ketë bllokime të disa segmenteve rrugore, si dhe bllokime të pjesshme të disa segmenteve të tjera, në varësi të takimeve dhe aktiviteteve që do të zhvillohen gjatë vizitës, në Tiranë.
Referuar njoftimit, drejtuesit e automjeteve të shfrytëzojnë autostradën e re Kashar - Rinas, për të qarkulluar në drejtim të aeroportit të Rinasit, pasi aksi i vjetër Kashar - Rinas nga ora 10:00 deri në 11:30, si dhe nga ora 17:00, deri në orën 18:00, të datës, 10.10.2024, do të jetë i bllokuar.
Rrugë të tjera që do të bllokohen janë: Nga Rinasi - Qafa e Kasharit - Mbikalimi tek Casa Italia - nënkalimi te ish-sheshi “Shqiponja”, Unazë (Astir) - Rrethrrotullimi i Saukut, Rruga e Elbasanit. Bulevardi “Dëshmorët e Kombit”, nga Ura te ish Hotel Dajtit deri te sheshi “Nënë Tereza”, rruga “Ismail Qemali”, rruga “Papa Gjon Pali II”, rruga “Ibrahim Rugova” rruga “Ukraina e Lirë”, bulevardi "Zhan D'Ark" dhe rruga "Xhorxh Bush".
Agjenda
Erdogan do të mbërrijë në Tiranë rreth orës 11:30 dhe do të pritet me ceremoni zyrtare nga homologu i tij shqiptar, Bajram Begaj. Më pas, rreth orës 13:40 bëhet ceremonia e firmosjes së marrëveshjeve dhe në fund do të ketë një deklaratë për shtyp me kryeministrin Edi Rama. Në përfundim të deklaratës, në orën 16:30-17:30 do zhvillohet ceremonia e inaugurimit të Xhamisë së Namazgjasë.
Ndonëse kjo xhami duhet të hapte dyert për besimtarët dhe të thirret ezani i parë që në vitin 2018, tre vite pas nisjes së punimeve, nuk u realizua për shkak të përplasjeve mes komunitetit mysliman në Turqi dhe atij në Shqipëri, të akuzuar si gylenistë, kundërshtarët më të fortë të Erdogan, të cilët ky i fundit i ka akuzuar edhe për grusht shteti në 2016-ën
Nesër Erdogan në Tiranë, zbardhet agjenda, do pritet nga Begaj dhe Rama
Ditën e nesërme pritet që të vijë në Tiranë, presidenti turk Recep Tayyip Erdogan, ku do të marrë pjesë në ceremoninë e inaugurimit të Xhamisë së Namazgjasë.
Versus.al ka zbardhur agjendën e kreut të shtetit, i cili do të mbërritë në Tiranë rreth orës 11:30 dhe do të pritet me ceremoni zyrtare nga homologu i tij shqiptar, Bajram Begaj. Më pas, rreth orës 13:40 bëhet ceremonia e firmosjes së marrëveshjeve dhe në fund do të ketë një deklaratë për shtyp me kryeministrin Edi Rama.
Në përfundim të deklaratës, në orën 16:30-17:30 do zhvillohet ceremonia e inaugurimit të Xhamisë së Namazgjasë.
Në kuadër të përgatitjeve për vizitën e Erdogan, xhamia në qendër të kryeqytetit e konsideruar edhe si më e madhja në Ballkan është veshur me flamujt e Shqipërisë dhe Turqisë e cila ka paguar faturën e shpenzimeve prej 30 milionë eurosh.
Ndonëse kjo xhami duhet të hapte dyert për besimtarët dhe të thirret ezani i parë që në vitin 2018, tre vite pas nisjes së punimeve, nuk u realizua për shkak të përplasjeve mes komunitetit mysliman në Turqi dhe atij në Shqipëri, të akuzuar si gylenistë, kundërshtarët më të fortë të Erdogan, të cilët ky i fundit i ka akuzuar edhe për grusht shteti në 2016-ën./Versus.al
Agjenda:
11:30 – 11:40
Ceremonia e pritjes në Presidencë
11:40 – 12:40
Takim kokë me kokë
12:40 – 13:40
Mbledhja e këshillit të bashkërendimit te nivelit të lartë
13:40 – 14:00
Ceremonia e firmosjes së marrëveshjeve
14:00 – 14:30
Konferenca për shtyp
16:30 – 17:30
Ceremonia e inaugurimit të Xhamisë së Namazgjasë
Erdogan nesër në Tiranë, inauguron xhaminë e Namazgjasë! KMSH mungon në përurim
Presidenti turk, Recep Tayip Erdogan do të vizitojë nesër Tiranën ku do të marrë pjesë edhe në inagurimin e xhamisë së re të Namazgjasë së bashku me kryeministrin Edi Rama.
Prej kohësh xhamia e Namazgjasë ka qenë e përfunduar por nuk u inagurua për shkak të përplasjeve mes komunitetit Mysliman për drejtuesin e saj.
Mësohet se Bujar Spahiu, kreu i Komunitetit Mysliman të Shqipërisë nuk do të marrë pjesë në ceremoninë e përurimit, ndërsa i pranishëm do të jetë myftiu i Tiranës, Gazment Teqja. Nëpërmjet një postimi të bërë në facebook, Teqja do të jetë imami zyrtar i xhamisë dhe njëkohësisht edhe kreu i bordit të fondacionit të përbashkët që do të administrojë xhaminë e Namazgjasë më tej.
Por nga ana tjetër, imami turk Enes Bastur gjithashtu përmes një njoftimi në facebook, kishte njoftuar se do të merrte drejtimin e xhamisë së Namazgjasë duke lënë kështu paqartësi se kush do të jetë në krye të xhamisë ku 10 mijë besimtarë mund të falin namazin.
Në kuadër të përgatitjeve për vizitën e Erdogan, xhamia në qendër të kryeqytetit e konsideruar edhe si më e madhja në Ballkan është veshur me flamujt e Shqipërisë dhe Turqisë e cila ka paguar faturën e shpenzimeve prej 30 milionë eurosh.
Ndonëse kjo xhami duhet të hapte dyert për besimtarët dhe të thirret ezani i parë që në vitin 2018, tre vite pas nisjes së punimeve, nuk u realizua për shkak të përplasjeve mes komunitetit mysliman në Turqi dhe atij në Shqipëri, të akuzuar si gylenistë, kundërshtarët më të fortë të Erdogan, të cilët ky i fundit i ka akuzuar edhe për grusht shteti në 2016-ën.
Erdogan do të qëndrojë nesër për disa orë në Tiranë ku do të zhvillojë edhe një konferencë të përbashkët për shtyp me kryeministrin Edi Rama ndërsa më pas do të takohet me presidentin Bajram Begaj. Versus.al
