Çfarë do të gjeni në brendësi
*Hamasi ka dorëzuar sot 20 pengjet izraelite të cilat i mbante rob që prej sulmit të 7 tetorit 2023 ku vrau mijëra izraelitë dhe plagosi qindra të tjerë. Në Tel Aviv u mblodhën 100 mijë njerëz për të festuar teksa prisnin lirimin e familjarëve dhe të afërmve të tyre. *Nga ana tjetër në kuadër të marrëveshjes së paqes, Izraeli do të lirojë mijëra palestinezë të burgosur. *Ndërkohë presidenti Donald Trump ka mbërritur në Izrael ku do të mbajë një fjalim në Kuvend për t’u nisur ë pas në Egjipt ku në samitin rajonal do të diskutohet mbi planin e paqes afatgjatë dhe rindërtimin e Gazës.
VIDEO/ Trump mbërrin në Izrael, Netanyahu dhe Herzog e presin me tapet të kuq
Presidenti i SHBA-ve, Donald Trump ka mbërritur sot në Izrael ku pritet të mbajë disa takime lidhur me marrëveshjen e paqes në Gaza dhe planin për rindërtimin e enklavës.
Teksa zbriti nga aeroplani presidencial, për të u shtrua tapeti i kuq, ndërsa e prisnin presidenti Isaac Herzog dhe kryeministri Benjamin Netanyahu me bashkëshortet e tyre. Trump pritet të mbajë një fjalim në një seancë të kuvendit të Izraelit përpara se të vazhdojë me një samit rajonal në Egjipt më vonë gjatë ditës.
Ndërkohë mëngjesin e sotëm Hamasi liroi 7 pengje izraelite, për të vijuar me fazën e dytë ku do të lirohen edhe 13 pengje të tjera, ndërsa Izraeli gjithashtu do të lirojë nga burgjet mijëra të burgosur palestinezë. Versus.al
Hamasi liron 7 pengje izraelite, miqtë dhe familjarët e tyre shpërthejnë në festë
Hamasi liroi shtatë pengje të hënën, të parët që u liruan si pjesë e një armëpushimi që ndaloi dy vjet luftë midis Izraelit dhe Hamasit në Rripin e shkatërruar të Gazës.
Nuk kishte asnjë informacion të menjëhershëm për gjendjen e të liruarve. Hamasi ka thënë se 20 pengje të gjallë do të shkëmbehen me mbi 1,900 të burgosur palestinezë të mbajtur nga Izraeli.
Familjet dhe miqtë e pengjeve shpërthyen në brohoritje e festë ndërsa kanalet televizive izraelite njoftuan se pengjet ishin në duart e Kryqit të Kuq. Dhjetëra mijëra izraelitë po shikonin transferimet në shfaqje publike në të gjithë vendin, me një ngjarje të madhe që po mbahet në Tel Aviv.
Palestinezët presin lirimin e qindra të burgosurve të mbajtur nga Izraeli. Presidenti i SHBA-së Donald Trump po mbërrin në rajon së bashku me udhëheqës të tjerë për të diskutuar marrëveshjen e propozuar nga SHBA-ja dhe planet e pasluftës. Një rritje e ndihmës humanitare pritej në Gazën e goditur nga uria, ku qindra mijëra njerëz kanë mbetur pa strehë.
Ndërsa mbeten pyetje të mëdha rreth të ardhmes së Hamasit dhe Gazës, shkëmbimi i pengjeve dhe i të burgosurve shënoi një hap kyç drejt përfundimit të luftës më vdekjeprurëse ndonjëherë midis Izraelit dhe grupit militant. Versus.al
Sot Hamasi liron pengjet, izraelitët mblidhen për të pritur të afërmit e tyre
Sot qindra familje në Izrael janë mbledhur të Tel Aviv në sheshin e pengjeve ku presin që të lirohen të afërmit e tyre të marrë peng nga Hamasi prej dy vitesh. Pas marrëveshjes së paqes u dakordësua lirimi i të burgosurve palestinezë nga burgjet e Izraelit si dhe lirimi i pengjeve të mbetura gjallë dhe atyre që kanë vdekur, 28 persona.
Sipas mediave lirimi i pengjeve izraelite do të bëhet në 2 faza, e para në orën 08:00 të mëngjesit në korridorin Netzarim i cili ndaj Rripin e Gazës në lindje e perëndim, ndërsa faza e dytë në orën 10:00 të mëngjesit në zonën Jan Yunis në jug dhe në kampet në qendër të enklavës.
Kryqi i Kuq Ndërkombëtar, tashmë në territorin e Gazës, po koordinon dorëzimin e pengjeve nga milicitë palestineze dhe dorëzimin e tyre të mëvonshëm ushtrisë izraelite, e cila do t'i çojë ata në bazën Reim pranë kufirit. Atje, ata do t'i nënshtrohen kontrolleve mjekësore dhe do të ribashkohen me familjet e tyre përpara se të evakuohen me helikopter në spitalet në periferi të Tel Avivit: Sheba, Beilinson dhe Ichilov.
Ndërkohë sot pritet të mbërrijë në Egjip edhe presidenti i SHBA, Donald Trump. Versus.al
