Çfarë do të gjeni në brendësi
*Një 56-vjeçar, ish-polic, u plagos gjatë një konflikti në Sarandë, ku dyshohet se është goditur me tytën e një pistoletë. *Ngjarja ndodhi rreth orës 19:10 në lagjen nr. 4, ku Adil Veli u lëndua gjatë përplasjes duke u goditur me tytën e armës *Gjatë incidentit, arma u shkrep në ajër në mënyrë të pavullnetshme, pa i shkaktuar dëmtime serioze të plagosurit. *I lënduari ndodhet nën kujdesin e mjekëve dhe jashtë rrezikut për jetën, ndërsa policia po vazhdon kërkimet për gjetjen e autorit.
'Arma u shkrep në mënyrë të pavullnetshme', plagosja e ish-efektivit në Sarandë, policia jep detaje
Policia e Sarandës ka dhënë detaje rreth ngjarjes të ndodhur mbrëmjen e sotme, ku ish-efektivi Adil Veli mbeti i plagosur.
Sipas uniformave blu, 56 vjeçari është goditur me tutën e armës dhe ndodhet në spital nën kujdesin e mjekëve.
Nga kqyrja paraprake të vendit të ngjarjes, në momentin e goditjes arma është është shkrepur në mënyrë të pavullnetshme në ajër pa shkaktuar pasoja. Si provë materiale, në vendin e ngjarjes është gjetur dhe sekuestruar një gëzhojë arme zjarri.
Njoftimi i policisë:
Sarandë/Informacion paraprak. Sot, rreth orës 19:10, në lagjen nr. 4, Sarandë, dyshohet se gjatë një konflikti është dëmtuar me një send të fortë, dyshohet me tytën e një pistolete, shtetasi A. V., 56- vjeç, i cili ndodhet në spital, nën kujdesin e mjekëve.
Nga këqyrja paraprake e vendit të ngjarjes, dyshohet se gjatë momentit të goditjes me tytën e armës, arma është shkrepur në mënyrë të pavullnetshme në ajër, pa shkaktuar pasoja. Si provë materiale, në vendin e ngjarjes është gjetur dhe sekuestruar një gëzhojë arme zjarri.
EMRI/ Të shtëna me armë zjarri në Sarandë, plagoset ish-efektivi i policisë
Një ngjarje e rëndë është shënuar mbrëmjen e sotme në lagjen nr. 4 të qytetit të Sarandës, në rrugën “Mitat Hoxha”, ku janë raportuar të shtëna me armë zjarri.
Sipas informacioneve paraprake, 54-vjeçari ish-efektivi i policisë, Adil Veli ka mbetur i plagosur dhe është dërguar me urgjencë në Spitalin e Sarandës për ndihmë mjekësore.
Në vendngjarje ndodhen forca të shumta policie, të cilat po punojnë për zbardhjen e plotë të rrethanave. Deri tani, nuk dihen ende shkaqet e incidentit apo identiteti i autorit të dyshuar./Versus.al
