Çfarë do të gjeni në brendësi
*Komisioni i Sterilizimit dhe zhvillimet e ndodhura përgjatë seancave maratonë të dy ditëve të fundit, kanë qenë qendra e debatit në seancën e sotme plenare të Kuvendit. *Deputetët e opozitës Ina Zhupa, Xhelal Mziu dhe Gazment Bardhi denoncuan incidentin e ndodhur pas mesnatës kur ish-ministri Ilir Beqaj u fut në sallën ku po zhvillohej mbledhja edhe pse nuk iu dha leje. Ata e akuzuan ish-ministrin se kishte kërcënuar deputetët e opozitës, ndërsa thanë se u jepte urdhra edhe oficerëve që e kishin shoqëruar në kryesinë e Kuvendit. *Kryeparlamentarja Elisa Spiropali ndërhyri disa herë për t’ju ndërprerë fjalën deputetëve me argumentin se nuk po merreshin me procedurën për interpelancën e kërkuar nga deputeti Agron Shehaj me ministren e Shwndetwsisw dhe Mbrojtjes Sociale, Albana Koçiu. *Kjo shkaktoi përplasje dhe tensione në sallë ku deputetët e opozitës bllokuan foltoren për pak momente, ndërsa vijuan me akuzat ndaj ish-ministrit Ilir Beqaj. *Një moment i pakëndshëm është shënuar gjatë seancës për deputetin Lefter Gështenja i cili u mor me ambulancë për t’u dërguar në spital për shkak të problemeve me hernien.
'Djali im vdiq nga mungesa e ilaçeve', deputeti Shehaj publikon denoncimin e qytetarit, ministrja Koçiu: Po e përdorni rastin për kredo politike
Deputeti Agron Shehaj kërkoi sot në Kuvendin e Shqipërisë interpelancë me ministren e Shëndetësisë, Albana Koçiu, për skandalin e Onkologjikut lidhur me mungesën e ilaçeve.
Gjatë fjalës së tij deputeti Shehaj tregoi denoncimin e një qytetari i cili kishte humbur djalin për shkak të mungesës së ilaçeve ku dhe i kërkoi ministrës Koçiu t'i përgjigjet qytetarit dhe jo pyetjeve të tij.
''E kam kërkuar këtë interpelancë sespe zonja Ministrja të mos i përgjigjet pyetjeve të mia por të qytetarëve pasi as ministrja, sa unë dhe asnjë nga ne nuk e dime se çfarë ndodh në spitalet shtetërore. Janë qytetarët që e dinë shumë mirë se si është gjendja në spitale pasi përballen çdo ditë. Ministrja duhet t'i përgjigjet këtij qytetari. Bujar Balla humbi jetën 39 vjeç për mungesë ilaçesh.
Denoncimi i qytetarit: Djali im filloi kimiot dhe më 3 korrik kishte radhët e mjekimit dhe ishte shumë mirë. U ngrit dhe shkoi tek mjekja të cilës i kërkoi mjekimin. Kur të vijnë i tha mjekja. Çuni humbi jetën për mungesën e ilaçeve. Më datën 1 shtator me vdiq, më vdiq çuni 39 vjeç. Do marrin në qafë të tjerët mirë çuni im që vdiq por do marrin në qafë të tjerët.
Unë e kuptoj se nuk ju intereson as vdekja e djalit të një qytetari. Mund të mbani heshtje dhe të mos bëni muhabet por ta dëgjoni qytetarin. Keni respekt. Zonja ministre jepni përgjigje këtij qytetari: do merrni në qafë të tjerët pa mirë çuni im iku.''' u shpreh deputeti Shehaj në parlament.
Ndërsa ministrja Koçiu në përgjigjje të saj tha se deputeti Shehaj po e përdor rastin për kredo politike.
''Nuk e mendoja kurrë që do të vijë këtu dhe do të trajtoje këtë fatkeqësi të një qytetari për kredo politike më beso je i humbur në këtë pikë. Nuk trajtohen sëmundjet dhe fatkeqësitë për kredo politike. Nëse do mund ti shkojmë rastit deri në fund por nuk është vendi për rastet specifike që nuk ka të bëjnë me atë që deklaruat ju, por ka të bëjë me faktin se sëmundje e kancerit nëse nuk kapen në kohë ka specifikat e veta. Për sëmundje të tilla bëjmë fushata ndërgjegjësuese flasim nga mëngjesi deri në darkë që njerëzit të shkojnë të bëjnë kontrolle periodike që pikërisht ju të mos merrni fatkeqësinë të një prindëri dhe ta bëni publike këtu. Nuk do të bie në bataukun e asaj që doni të bëni, nuk kam ndërmend të jap shpejgime për këtë sikundër nga ana tjetër ti në cilësinë e deputeti dhe unë cilësinë e ministres do të kishe kaq shumë ndjesi të forta për të ndihmuar qytetarët që kanë problematike mund t'i vijë një herë të vetme t'i bije derës time për të trajtuar këtë shqetësim por merresh me mesazhe në rrjete sociale dhe çfarë të thonë nëpër korridore, turp për ju se më këtë narrative politike do të merrni ndonjë votë.' u shpreh ministrja Koçiu./Versus.al
/Versus.al
VIDEO/ Shfaqi probleme me shëndetin, deputeti i PD nxirret me ambulancë nga Kuvendi
Deputeti i Partisë Demokratike, Lefter Gështenja është marrë me ambulancë nga salla plenare e Kuvendit për shkak të disa problemeve shëndetësore.
Mësohet se ligjvënësi demokrat shfaqi probleme me hernien dhe e pati të nevojshme ndërhyrjen e ambulancës që e mori për ta transportuar në spital ku edhe do të marrë ndihmën e nevojshme mjekësore.
Kreu i grupit parlamentar të PD, Gazment Bardhi dhe deputeti Agron Gjekmarkaj shkuan në spital për t'u interesuar mbi gjendjen shëndetësore të Gështenjës. Versus.al
View this post on Instagram
“U jepte urdhra gardistëve”, Zhupa për Ilir Beqajn: Efektivi më tha se s’kishin furgon ta çonin në burg
Deputetja demokrate Ina Zhupa ka folur në foltoren e Kuvendit mbi incidentin e ndodhur gjatë orëve të para të mëngjesit të sotëm kur ish-ministri i Shëndetësisë, Ilir Beqaj hyri në komisionin e “Sterilizimit” pa leje.
Ajo akuzoi oficerët e burgjeve për mungesën e protokollit të sigurisë ndërsa akuzoi Beqajn se kishte kërcënuar dhe intimiduar deputetët.
“Ilir Beqaj livadhiste i lirë dhe u jepte urdhra oficerëve të burgjeve dhe deputetëve të mazhorancës se çfarë duhet të bënin dhe si duhet ta bënin. Vinte dhe kërcënonte duke na thënë mbylle gojën, qepe ti, ta tregoj unë ty, kush je ti. Ne duhet të vazhdojmë këtu normalitetin kur nuk kemi siguri në parlament? Mbasi juve ju komandon një hajdut 2 metrosh?
A e dini çfarë nga tha një officer i burgjeve, na tha s’kam furgon këtu, s’kam si ta çoj në burg. I gjithë protokolli i sigurisë kishte rënë, ne ishim në mëshirë të hajdutit dy metra. Kam telefonuar komandantin e gardës për të sjellë një gardist atje. Erdhi pasi ishim kërcënuar”- u shpreh Zhupa.
Nga ana tjetër, më herët ish-ministri i arrestuar reagoi nga burgu duke thënë se kishte reaguar pasi ishte ndjerë i tallur dhe i nëpërkëmbur për 14 orë rresht nga deputetët e opozitës. Versus.al
