Territori shqiptar do të vijojë të mbetet nën ndikimin e motit të kthjellët dhe temperaturave të larta.
Kthjellimet do të jenë përgjatë vijës bregdetare ndërsa me kthjellime dhe vranësira të shpeshta do të paraqitet moti pjesërisht në zonat e ulëta si edhe në zonat malore përgjatë shtrirjes lindore.
Pjesa e dytë e ditës dhe në vijim do të sjellë përmirësim të theksuara të kushteve atmosferike edhe në zonat malore.
Temperaturat e ajrit do të pësojnë rritje të lehtë si në vlerat minimale edhe në ato maksimale duke u luhatur nga 12°C vlera minimale e shënuar në qarkun e Bajram Curri deri në 36°C vlera maksimale e cila pritet në qarkun e Beratit, Gjirokastrës dhe Elbasanit.
Era do të fryjë e lehtë dhe herë pas herë mesatare me shpejtësinë deri në 30 km/h nga drejtimi Perëndimor duke krijuar në brigjet detare dallgëzim të ulët. Versus.al
