Në një kohë kur një pjesë të madhe të jetës sonë e kalojmë para ekraneve dhe pajisjeve dixhitale, të rinj dhe të vjetër, ekspertët kanë paralajmëruar për të ashtuquajturën “demencë dixhitale” e cila po kërcënon të gjitha moshat. Psikologu social Jonathan Haidt thotë se kjo mund të mos jetë një diagnozë zyrtare, por simptomat e saj janë të ngjashme me demencën dhe ka një lidhje me një rrezik në rritje të Alzheimerit në fazat e tjera të jetës.
Cilat janë simptomat?
Nisur nga studimet që flasin se nga kjo sëmundje rrezikohet një pjesë e konsiderueshme e popullatës, psikologu ka listuar një sërë simptomash që mund t’u vijnë në ndihmë qytetarëve për të kuptuar nëse janë të prekur. Bëhet fjalë për rënie e aftësisë për t'u përqëndruar, izolim social, mungesë motivimi, çrregullime të kujtesës, zemërim pa ndonjë arsye të dukshme, ankth, depresion dhe vonesë zhvillimi.
Si do ta mbrojmë veten?
Duke reduktuar kohën që kalojmë duke përdorur pajisjet dixhitale, edhe kur jemi të rritur, dhe duke e kanalizuar atë në më shumë aktivitete që ushtrojnë trupin dhe mendjen tonë, si leximi i librave, lojërave në tavolinë.
Për fëmijët, veçanërisht, siç thekson eksperti, “loja është e rëndësishme”. Në këtë mënyrë vihen në funksion të gjitha shqisat e tyre, duke mos i lënë ato të vegjetojnë. Versus.al
