Romeo Veshaj dhe Heidi Baci janë dy nga personazhet më të përfolur të momentit, veçanërisht pas thashethemeve se ata mund t’i kenë dhënë fund romancës së tyre.
Historia e tyre e dashurisë nisi gjatë kohës që të dy ishin pjesë e “Big Brother VIP Albania 3”, por duket se lidhja mes tyre ka arritur në një udhëkryq.
Spekulimet për një ndarje të mundshme nisën pasi Heidi nuk bëri asnjë urim publik për ditëlindjen e Romeos, gjë që ka ngjallur dyshime mes ndjekësve të tyre dhe ka ndezur thashethemet në rrjet.
Por së fundmi një foto e publikuar nga një profil me emrin e ish-banores së Big Brother Vip i ka hedh më shumë benzinë zjarrit.
Në postim ku dukej se ka pranuar ndarjen me Romeon shkruhej:
Ju kam shumë xhan! Nuk dua t’ju mërzis. vetëm Kaq doja tju thoja. Unë jam mirënjohëse. Faleminderit për te gjitha.
Deri më tani as Heidi dhe as Romeo nuk kanë deklaruar ndarjen por as nuk kanë mohuar lajmet që po qarkullojnë në rrjete sociale. /Versus.al
